ئەمڕۆکە بەرەی بەرخۆدان لەگەڵ شەڕی ئابووری بەرەوڕوو بووەتەوە

سەرۆکی مەجلیسی ئێران وتی: ئەمڕۆکە بەرەی بەرخۆدان لەگەڵ شەڕی ئابووری بەرەوڕوویە و دەتوانین بە هاوکاری هاوبەش لە نێوان ئێران و سووریا لە ئەو شەرە ئابووریەشدا دوژمن ببەزێنین.

بە ڕاپۆرتی ئاژانسی هەواڵی مێهر، محەمەد باقر قاڵیباف سەرۆکی مەجلیسی شۆرای ئیسلامی لە دیدار لەگەڵ حسێن عرنوس سەرۆک وەزیرانی سووریا بە جەخت لەسەر ئەوەی کە شکستی ئەمریکا و ئیسرائیل ل شەڕ لەگەڵ بەرەی بەرخۆدان لە ماوەی شەڕی دە ساڵەی دوایی وتی: ئەوان دڵنیا بوون لە ئەوەی کە شەڕی سەربازی و ئەمنیەتی ناتوانێت ئێران یان بەرەی بەرخۆدان شکست بدات، هەر بۆیە چوونەتە شەڕی ئابووری و گەمارۆدانەوە.

ناوبراو بە ئاماژە بە هەندێک جووڵەی ئەمریکییەکان لە ناو خاکی سووریا وتی: ئاڵبەت ئەو هەوڵانەش ئەنجامێکیان نابێت و هەر بۆیە بە شەڕی مێدیایی و ئابووری هاتوونەتە شەڕی خەڵکەوە.

سەرۆکی مەجلیس زیادی کرد: ئەمڕۆکە بەرەی بەرخۆدان لەگەڵ شەڕی ئابووری بەرەوڕوویە و دەتوانین بە هاوکاریی هاوبەش لە بواری ئابووری و بازرگانی لە شەڕی ئابووریش دوژمن ببەزێنین.

قاڵیباف بە وتنی ئەوەی کە ئێستاکە ئاستی پێوەندی سیاسی، ئەمنیەتی و ئابووری وڵاتانی بەرەی بەرخۆدان لە باشترین ئاستدایە، وتی: ئەمە لە حاڵێکدایە کە لە بەشی ئاڵوگۆڕی بازرگانی و ئابووری دۆخی باشمان نییە و ئەگەر هەر بەم شێوە بچێنە پێشەوە، بەرەی بەرخۆدان مەترسی جیدی لەسەر دەبێت.

News Code 38433

نیشانەکان

بۆچوونی ئێوە

You are replying to: .
  • 3 + 8 =