بە ڕاپۆرتی ئاژانسی هەواڵی مێهر لە ماڵپەڕێکی هەواڵی عێراق، نایف شمری لەو بارەوە وتی: لە بودجەی ساڵی 2021 بودجەیەک بۆ کڕینی سیستەمی نوێ بۆ هێزە چەکدارەکان بە ئامانجی هەماهەنگیان لە بواری جیهازاتی هێزە چەکدارەکان لە جیهان تەرخان کراوە.
ئەو پەرلەمانتارەی ئەندامی هاوپەیمانی وەتەنییە وتیشی: دەوڵەت لە مانگەکانی داهاتوو لەگەڵ کۆمپانیاگەلی گرینگ بۆ تەیار کردنی هێزە چەکدارەکانی وڵات بە سیستەمی پێشكەوتووی بەرگری دژە ئاسمانی عێراق ڕێککەوتنگەلێک واژۆ دەکات.
شیاوی باسە کە لەم دواییەدا ڕاپۆرتەکانی ئەمریکا بە گێڕانەوە لە زمانی هەندێک پەرلەمانتاری عێراقەوە ڕایانگەیاندبوو کە دەوڵەتی عێراق خەریکی تاوتوێ کردنی کڕینی سیستەمی ئێس 400 ی ڕووسیایە. بەڵام وەزارەتی دەرەوەی ئەمریکا ڕایگەیاندووە، ئەگەر بەغدا بیەوێت ئەو سیستەمە بکڕێت لەلایەن دەولەتی ئەمریکاوە گەمارۆ دەدرێت.
Your Comment