بە پێی هەواڵی مێهر، محەمەد رەسووڵ شێخی زادە وێڕای ئاماژە بەوەی کە زەکاتی فیتری ئەمساڵ 30 لە سەد لە چاو ساڵی پێشوو زیادی کردووە، وتی: هەموو زەکاتە کۆ کراوەکە بە بەشداری ئیمامانی هەینی و بەرپرسانی زەکاتی پارێزگا خراوەتە حیسابی کومیتەی ئیمداد.
ئەو وتیشی: گەر بەرپرسانی زەکاتی پارێزگا ئیزن بدەن، ئەم زەکاتە بۆ حیسابی ئەو کەسانە دەنێرین کە لە لایەن کومیتەوە پشتیوانی دەکرێن.
بەڕێوەبەری گشتیی کومیتەی ئیمدادی کوردستان رایگەیاند: تا ئێستا زیاتر لە یەک میلیار و 200 ملیۆن تمەن بەو کەسانەی کە پێویستییان پێیە، دراوە.
شێخی زادە ڕاشیگەیاند: لە ماوەی مانگی ڕەمەزانیشدا 163 هەزار قاو چێشتی گەرم و پێویستی بژیوی کە 8 ملیار تمەن بایەخی هەیە، لە لایەن خەڵک و خێرۆمەندانەوە دراوەتە ئەو کەسانەی پێویستیان پێیە.
Your Comment