هەواڵی گۆڕینەوەی زیندانی لە نێوان ئێران و ئەمریکا پشت ڕاست ناکەینەوە

وتەبێژی وەزارەتی دەرەوە سەبارەت بە دانوستانەکانی ڤیەنا وتی: ئێمە چەندین جار وتوومانە کە پەلە ناکەین و ئیزنیش نادەین گفتوگۆکان لە چوارچێوەی کۆمیسیۆنی بەرجام درێژە بکێشێت.

بە ڕاپۆرتی ئاژانسی هەواڵی مێهر، سەعید خەتیب زادە وتەبێژی وەزارەتی دەرەوە ئەمرۆ لە کۆنگرەی ڕۆژنامەڤانی بە وتنی ئەوەی کە شەممە شاندی داونستانکاری ئێران لە ڤیەناوە بۆ هەندێک ڕآوێژ گەڕاونەتەوە پێتەختەکان و خەریکی گفتوگۆ لە تارانن، وتی: کۆمیسیۆنی هاوبەشی ڕێککەوتنی ناڤۆکی لە ڕۆژی هەیننەوە دیسان کاری خۆیان دەست پێدەکەنەوە.

هەواڵی گۆڕینەوەی زیندانی لە نێوان ئێران و ئەمریکا پشت ڕاست ناکەینەوە

ناوبراو سەبارەت گۆڕینەوەی زیندانی لە نێوان ئێران و ئەمریکا زیادی کرد: پرسی زیندانییەکان بەردەوام لەلایەن ئێرانەوە هاتووەتە ئاراوە و هەر بۆیە جودا لە گفتوگۆکان سەبارەت بە ڕێککەوتنی ناڤۆکی دێتە ئاراوە. بەردەوام گەڵاڵە و ئایدیاگەلێک لە ئارادا بووە. ئەو ڕاپۆرتانە لەلایەن سەرچاوە ئاگادارەکانەوە پشت ڕاست ناکرێتەوە.

وتەبێژی دەزگای دیپلۆماسی سەبارەت بە ئازاد کردنی حەوت ملیار دۆلار لە داراییە بلۆکە کراوەکانی ئێرانیش وتی: سەرجەم ئەو داراییانە یەک جارەکی ئازاد دەکرێن.

بەردەوام ئامادەی گفتوگۆ لەگەڵ عەرەبستان بووین و هەین

خەتیب زادە سەبارەت بە پێوەندییەکانی ئیران و عەرەبستان و قسەکانی ئەم دواییەی وەلیعەهدی عەرەبستان و داواکاری بۆ گفتوگۆ لەگەڵ ئێران، جەختی کرد: گۆڕینی شێوەی قسە کردن بەدڵنیاییەوە دەبێتە یارمەتیدەر دەبێت بۆ کەم کردنەوەی ئاڵۆزییەکان و کاتێکیش کە نەبێتە کردەوە، ئەنجامەکانیش کردەیی نابنەوە.

ناوبراو وتیشی: ئامادەیی گفتوگۆمان لەگەڵ عەرەبستان هەبووە و هەمانە و ناوچەکە و نەتەوەکانی دوو وڵاتەکە ئەنجامی ئەو گفتوگۆگەلە دەبینن.

ڕێککەوتنی ناڤۆکی یەک وشە کەم یان زیاد نابێت

ناوبراو بە وتنی ئەوەی کە ڕێککەوتنی ناڤۆکی یەک وشە کە کەم و زیاد نابێتەوە و ئەبێ سەرجەم بابەتەکانی کردەیی ببێتەوە، وتی: لە کۆمیسیعنی هاوبەش بۆ هەموو هاوبەشەکانمان ڕوون کردووەتەوە و لە هەر دوو بواردا لە هەمان ڕێگا خەریکین دەڕۆین.

خەتیب زادە بە جەخت لەسەر ئەوەی کە بۆ گەییشن بە ئەنجامەکان هیچ پەلەیەکمان نییە، وتی: ئێمە چەندین جار وتوومانە کە پەلە ناکەین و ئیزن نادەین گفتوگۆکان لە چوارچێوەی کۆمیسیۆنی ڕێککەوتنی ناڤۆکی دریژە بکێشێت.

ناچینە ناو یاریی درێژخایەنی دانوستانەکانەوە

خەتیب زادە زیادی کرد: سیاسەتی یەکلایی ئێران گەڕانەوەی هەمە لایەنەی ئەمریکا بۆ سەر بەڵێنەکانی، لە ژێرناوی بڕیارنامە نێودەوڵەتییەکان و ڕێککەوتنی ناڤۆکییە ئەویش بە وردبینی و وشە بە وشەیە و لەو بارەشەوە نە پەلەمانە و نە دەچینە ناو یاریی درێژخایەنی ئەوانەوە.

News Code 37133

نیشانەکان

بۆچوونی ئێوە

You are replying to: .
  • 2 + 3 =