بە پێی هەواڵی مێهر، ڕێکخراوەی لێبوردنی نێودەوڵەتی لە ڕاپۆرتێکدا کە سەبارەت بە دۆخی مافی مرۆڤ لە جیهان بڵاوی کردۆتەوە، ڕەخنەی لە شێوازی ڕووبەڕوو بوونەوەی هەرێمی کوردستان لە گەڵ ڕۆژنامەنووسان و ڕەخنەگران گرت.
ئەم ڕێکخراوەیە نووسیویە هێزە کانی ئاسایش لە هەرێمی کوردستان، بە زۆرەملێ دەیان کەس لە ناڕازیانیان قۆڵبەست کردووە. لەم راپۆرتەدا نووسراوە کە هێزەکانی ئاسایشی هەرێمی کوردستان لە خۆپیشاندانەکانی مانگی مەی لە شاری دهۆک، 167 فەرمانبەر، ماموستا، چالاکی مەدەنی و ڕۆژنامەوانیان قۆڵبەست کردووە.
هەروەها ئاماژەیان بۆ ناڕەزاییەکانی شاری سلێمانی کردووە و وتوویانە "زێدەڕۆیی لە توندوتیژی" بۆتە هۆی مردنی ناڕازیان و ئاماژەیان بۆ داخرانی نووسینگەی هەواڵدەرییەکان و کەناڵە تەلەڤیزیۆنییەلان کردووە.
Your Comment