٧ گرووپ لە هەرێمی کوردستانەوە دەتوانن بێنە ناو ئێران

فەرمانداری مەریوان وتی: بە پێی پەسەند کراوی یاسای نوێ حەوت گرووپ لە خەڵکی هەرێمی کوردستان لە یەکەمی گەلاوێژەوە دەتوانن لە ڕێگای سنووری باشامخەوە بێنە ناو ئێران.

بە ڕاپۆرتی ئاژانسی هەواڵی مێهر، ئارتیکاس ئێقباڵ ڕایگەیاند: کەسانێک کە مۆڵەتی دانیشتنی کاتی، ڤیزەی کار، ڤیزەی پزیشکی و خوێندنیان هەیە لە ئەو دەستەن کە دەتوانن بە سەردان بە سنووری باشماخ بێنە ناو ئێران.

ناوبراو زیادی کرد: ئەو کەسانە جگە لە ئەوەی کە ئەبێ مۆڵەتی تەندروستی خۆیان و پاسپۆرت و ڤیزە ڕادەستی فەرمانبەرانی ئەو سنوورە بکەن ئەبێ پرۆتۆکۆلە تەندروستییەکانیش لەبەرچاو بگرن.

فەرمانداری مەریوان باسی کرد: گرووپی پزیشکی سنووری باشماخیش تێست لە موسافرەکان دەگرێت و ئەگەر کەسێک نیشانەکانی ڤایرۆسی کۆرۆنای هەبێت ئیزنی پەڕینەوە لە سنووریان ناداتێ.

ئێقباڵ سەبارەت بە چوونە دەرەوەی موسافرەکان لە ئێرانەوە بۆ هەرێمیش زیادی کرد: هیچ سنوورێک بۆ پەڕینەوەی هاووڵاتییەکانی هەرێم لە ئێرانەوە بوونی نییە بەڵام هێشتا لایەنی عێراقی لە چوونە ژوورەوەی هەندێک کەس بۆ وڵاتی خۆیان ڕێگری دەکات.

News Code 33420

نیشانەکان

بۆچوونی ئێوە

You are replying to: .
  • 3 + 1 =