نامەی ٨ وڵات بۆ نەتەوە یەکگرتووەکان سەبارەت بە ئێران

وتەبێژی وەزارەتی دەرەوە وتی: هەوڵی نامەی ٨ وڵات لە ناردنی نامە بۆ ڕێکخراوی نەتەوە یەکگرتووەکان لە پێناو هەڵوەشاندنەوەی گەمارۆکانی سەر ئێران، هەنگاوێکی بێ هاوتا و جێی نرخاندنە.

بە ڕاپۆرتی ئاژانسی هەواڵی مێهر، سەید عەباس مووسەوی وتەبێژی وەزارەتی دەرەوە، نامەی هەشت وڵاتی ئێران، ڕووسیا، چین، کووبا، کۆریای باکوور، عێراق، ڤێنزۆئێلا و نیکاراگۆئێ بۆ ئەمینداری گشتیی ڕێکخراوی نەتەوە یەکگرتووەکان لە پێناو هەڵوەشاندنەوەی گەمارۆکانی سەر ئێرانی بێ هاوتا وەسف کرد و وتی: ئەو هەنگاوە نیشاندەری بە خۆداهاتنی جیهان بۆ بەرەنگاربوونەوەی تاک ڕەهەندگەری و پێشێل کرانی یاساگەلی نێودەوڵەتییە.

وتەبێژی وەزارەتی دەرەوە بە ئاماژە بەوەی کە ئەمریکا دژی وڵاتانی سەربەخۆ بە ئامانجی تایبەتی گەمارۆ دەسەپێنێت، وتیشی: هیوادارم ئەوە هەنگاوێکی پیرۆز بێت و ئەو وڵاتە ژێر گەمارۆیانە و تەنانەت وڵاتانی سەربەخۆ و ئازادیخواز کە تاقەت یەک ڕەهەندگەریی ئەمریکایان نییە، یەکێتییەک پێک بێنن و لە بەردەم ملهۆری ئەمریکا بوەستن.

مووسەوی جەختی لەوەش کرد: هیوادارین کۆمەڵگای جیهانی نە تەنیا لە هەلومەرجی کۆرۆنا، تەنانەت لە هەلومەرجی ئاساییدا ئەو هەنگاوە شلگێرانە لە بەرامبەر گەمارۆگەلی زاڵمانە و نامرۆڤانە کە لە لایەن ئەمریکاوە نە تەنیا لە دژی ئێران بەڵکوو لە دژی وڵاتانی سەربەخۆ داسەپاوە، هەڵگرێت.

News Code 31727

نیشانەکان

بۆچوونی ئێوە

You are replying to: .
  • 2 + 7 =