تەواو وڵاتانی جیهانی ئامادەی تەشەنە سەندنی کرۆنا بن

ڕێکخراوی تەندروستی جیهانی بە دەرکردنی ڕاگەیێندراوێک سەبارەت بە زوورەتی ئامادەیی تەواو وڵاتانی جیهانی هەمبەر بە پەرەسەندنی کرۆناڤایرووس هوشداری دا.

بە ڕاپۆرتی ئاژانسی هەواڵی مێهر بە گێڕانەوە لە BBC، ڕێکخراوی تەندروستی جیهانی بە دەرکردنی ڕاگەیێندراوێک سەبارەت بە زوورەتی ئامادەیی تەواو وڵاتانی جیهانی هەمبەر بە پەرەسەندنی کرۆناڤایرووس هوشداری دا و ڕایگەیاند: ئەگەرچی هێشتا ئەو ڤایرووسە بە هەموو جیهاندا بڵاونەبۆتەوە، بەڵام پێویستە هەموو وڵاتان لە قۆناغی ئامادەییدا بن.

بە گوێرەی ئەو ڕاگەیێندراوە، کرۆناڤایرووس لە سێ وڵاتی ئێران، کۆریای باشوور و ئیتالیا پەرەی سەندووە، بەڵام زۆرترین تووشبوو (نزیکەی ٧٧ هەزار کەس) و قوربانی (زیاتر لە ٢٦٠٠ کەس)ی ئەو نەخۆشییە تایبەت بە وڵاتی چین‌ـه. هەروەها زیاتر لە ١٢٠٠ کەسیش لە وڵاتانی دیکەی جیهان گیرۆدەی ئەو ڤایرووسە بوونە و نزیکەی ٣٠ کەسیش گیانی خۆیان لە دەست داوە.

ڕێکخراوی تەندروستی جیهانی ڕێژەی کوژراوانی کرۆنای نزیکەی لە سەدا دوو ڕاگەیاند و جەختی لەوە کرد کە دوای پەرەسەندنی ئەو نەخۆشییە لە وڵاتانی عێراق، ئەفغانستان، کوەیت و بەحرەین کە هۆکارەکەی دەبەنەوە سەر موسافیرانێک کە لەمدواییەدا سەردانی ئێرانیان کردووە، دۆخی ئێران، کۆریای باشوور و ئیتالیا جێی نیگەرانییە، ئەگەرچی هێشتا نرخی دروستی قوربانیانی کرۆنا لە بەردەستدا نییە.

News Code 31225

نیشانەکان

بۆچوونی ئێوە

You are replying to: .
  • 2 + 16 =