تورکیا پاش پەسندکرانی دەستووری سووریا، لەو وڵاتە دەکشێتەوە

بە راپۆرتی ئاژانسی هەواڵی مێهر بە گێڕانەوە لە CNN Turk، خولۆسی ئاکار وەزیری بەرگری تورکیا، ئەگەری کشانەوەی هێزی تورکیا لە خاکی سووریای بەستەوە بە پەسندکرانی دەستوور و هەڵبژاردنی یاسایی لەو وڵاتە ڕاگەیاند.

ڕاشیگەیاند: هەرکات دەستوور پەسند بکرێت، هەڵبژاردنی یاسایی بەڕێوە بچێت، دەوڵەتی یاسایی بێتە سەرکار و دەوڵەت و رێبەری دیموکراتیک جێگر بێت، ئەوکات ئێمە لە خاکی سووریا دەکشێینەوە.

شایانی باسە، تورکیا بە بیانووی بەرەنگاربوونەوەی تیرۆریزم بەشێک لە خاکی سووریای داگیر کردووە و لێی ناکشێتەوە.