پەیوەندی تەلەفۆنی ڕۆحانی و ئەردۆغان

سەرۆک کۆماری بە ئاماژە بەوەی کە ئەمریکییەکان تووشی هەڵەی گەورە هاتوون، وتی: بێدەنگی هەمبەر بە دەستدرێژکاری زیانی قورس‌تری بە دواوەیە.

بە ڕاپۆرتی ئاژانسی هەواڵی مێهر، حوجەتولئیسلام حەسەن ڕۆحانی ئەوڕۆ (شەممە) لە پەیوەندی تەلەفونی لە گەڵ ڕەجەب تەیب ئەدۆغان سەرۆک کۆماری تورکیا بە ئاماژە بەوەی کە ئێران هیچکات دەسپێکەری ئاژاوە و ناکۆکی لە ناوچەدا نەبووە، جەختی کرد: ئەگەر هەموو هەمبەر بە دەستدرێژکاریی ئەمریکا یەکدەنگ نەبین، مەترسییەکی گەورە ناوچە تێوە دەگلێنێت.

ڕۆحانی ڕایگەیاند: دەبێ وەڵامی هەڵمەتی ناژیرانە بدرێتەوە و بێ گومان بێدەنگی هەمبەر بە ستەمکار و دەستدرێژکار، بێ حەیا و دڕندەتری دەکات.

سەرۆک کۆمار بە ئاماژە بەوەی کە خەڵکی ئێران لەو هەڵمەتەی ئەمریکییەکان زۆر تووڕەن، ڕاشیگەیاند: کاری ئەمریکا زۆر هەڵە و ناژیرانە بوو، هاوکاتی شهید کردنی فەرماندەیەکی سەربازیی خۆشەویست و گەورەی ئێمە، سەروەری نیشتمانی عێراقی پێشێل کرد و لە خاکی عێراقدا هەڵمەتی تیرۆریستی ئەنجام دا و ئەوە دژی سەربەخۆیی ئەو وڵاتەیە.

ناوبراو بیری هێنایەوە: ئەگەر بێدەنگ بین، بەیانی ئەو هەڵمەتە لە دژی هەموو وڵاتانی دیکە دووپات دەکرێتەوە، هەر بۆیە چاوەروانی ئەوەمان لە وڵاتانی دۆست و دراوسێ هەیە کە ڕاشکاوانە ئەو جەنایەتە ئیدانە بکەن.

ڕەجەب تەیب ئەردۆغان سەرۆک کۆماری تورکیاش بە دەربڕینی پرسە و سەرەخۆشیی بۆ شەهید کرانی سپەهبۆد سولەیمانی بە رێبەری، دەوڵەت و خەڵکی ئێران جەختی کرد: دیتنی ڕێوڕەسمی شکۆمەندی بەڕێ کرانی تەرمی شەهید سولەیمانی لە تەلەڤیزیۆنی عێراق، نیشاندەری پێگە و خۆشەویستی سپەهبۆد سولەیمانی لای خەڵکی عێراقە.

News Code 30253

نیشانەکان

بۆچوونی ئێوە

You are replying to: .
  • 4 + 12 =