١٦هەمین مێهرەجانی شانۆی کوردی لە سەقز بەڕێوە دەچێت

شازدەهەمین خولی مێهرەجانی نێونەتەوەیی شانۆی کوردی حەوتەی داهاتوو بە بەشداریی ١١ گرووپی شانۆیی، لە شاری سەقز بەڕێوە دەچێت.

بە ڕاپۆرتی ئاژانسی هەواڵی مێهر، شازدەهەمین خولی مێهرەجانی نێونەتەوەیی شانۆی کوردی بە هەوڵی ئیدارەی گشتیی فەرهەنگ و ئیرشادی ئیسلامی کوردستان و هاوکاریی پارێزگاری و جێگرایەتی پارێزگاری کوردستان و فەرمانداری تایبەتی سەقز، بۆ ماوەی ٥ رۆژ لە ١٩ تا ٢٣ی سەرماوەز بە بەشداریی ١١ گرووپی شانۆیی، لە شاری سەقز بەڕێوە دەچێت.

بەڕێوەبەری گشتیی ئیدارەی گشتیی فەرهەنگ و ئیرشادی ئیسلامی کوردستان وێرای ڕاگەیاندنی ئەو هەواڵە، وتی: بەستێن و ئیمکانات پێویست بۆ بەڕێوەچوونی ئەو ڕووداوە فەرهەنگییە لە شاری سەقز دابین کراوە.

جەلال قەڵعەشاخانی بیری هێنایەوە: بەهادان بە زمان و ئەدەبی کوردی وەک پاڵپشتییەکی دەوڵەمەند و هاندەری نووسەران بۆ نووسینی دەقە شانۆییەکان بە پێی ڕەسەنایەتی و بایەخگەلی فەرهەنگیی ناوچە کوردنشینەکان بەشێکن لە گرینگترین ئامانجەکانی بەڕێوەچوونی ئەم مێهرەجانە.

لە درێژەدا بەڕێوەبەری شازدەهەمین مێهرەجانی نێونەتەوەیی شانۆی کوردی بە ئاماژە بە گەیشتنی ٦٥ بەرهەمی پێکهاتوو لە ٤٨ بەرهەمی ناوخۆیی و ١٧ بەرهەمی دەرەوەیی بۆ نووسینگەی ئەو مێهرەجانە، ڕایگەیاند: بەرهەمە گەیشتووەکان بە بەشی نێونەتەوەیی لە وڵاتانی تورکیا (ئەستەنبۆڵ و ئامەد)، سوید، سووریا و لە شارەکانی هەرێمی کوردستان بووە و بەرهەمە ناوخۆییەکان لە پارێزگاکانی خوراسانی باکووری، تاران، ئیلام، کرماشان، ئازەربایجانی رۆژئاوا، ئازەربایجانی رۆژهەڵات و کوردستان ڕەوانە کراون.

هیوا حاجی محەمەدی بە ئاماژە بە هەڵبژاردرانی ٩ بەرهەمی ناوخۆیی و ٢ بەرهەمی دەرەوەیی بۆ بەشی ڕکابەریی شازدەهەمین مێهرەجانی نێونەتەوەیی شانۆی کوردی، ڕاشیگەیاند: ڕەسووڵ بانگین لە ورمێ، هیوا مەنووچێهری لە مەریوان، حەسەن تەرەقی لە سنە، کامران شەهلایی لە کرماشان و جەمیل مەنسووری لە سەقز وەک ستافی یەکەمی داوەریی مێهرەجان بەرهەمە گەیشتووەکانیان تاوتوێ کردووە و لە ئەنجامدا ١١ بەرهەمیان بۆ نمایش هەڵبژاردووە.

شانۆگەلی "گراداف" لە دەرهێنانی سامان مێهران و فەرزاد حەسەن میرزایی لە شاری بانه، "جێن و جنۆکه" لە دەرهێنانی سەعید پاکزاد از شاری کرماشان، "حەسار" لە دەرهێنانی هێمن سوهرابی لە شاری بۆکان، "سۆرانه" لە دەرهێنانی غوڵامڕەزا هێمەتیان لە شاری بیجار، "چاوەروان" لە دەرهێنانی ئەمیر زارع زادە لە شاری سەقز، "قابووسی میروویان" لە دەرهێنانی حامد ئیسماعیل وەند لە شاری ورمێ، "سەرپێڵ"  لە دەرهێنانی حەمید ڕەزا ئەحمەدی کوردستانی لە شاری سنە، "ئه‌رکی نیشتمانی داهۆڵێک" لە دەرهێنانی جەمیل مەفاخێری لە شاری سنە، "چنارەکان" لە دەرهێنانی ئۆمید مستەفایی لە شاری سەقز و ۲ بەرهەمی دەرەوەیی دیکە، ١١ بەرهەمی بەشداربووی ئەم خولەی مێهرەجانی شانۆی کوردی سەقزن.

News Code 29666

نیشانەکان

بۆچوونی ئێوە

You are replying to: .
  • 9 + 0 =