١٣ هەزار تۆن چەوەندەری قەند لە سەقز بەرهەم هێنراوە

بەرپرسی شەریکەی هەرەوەزی گوندەکانی سەقز وتی: ئەمساڵ ١٣ هەزار تۆن چەوەندەری قەند بە بڕی ٦٢ ملیار ڕیاڵ لە مەزراکانی ئەو شارە هاتووەتە بەرهەم و بۆ کارخانەکانی شارەکانی دەوروبەری سەقز نێردراوە.

بە ڕاپۆرتی ئاژانسی هەواڵی مێهر لە پێوەندییە گشتییەکانی ڕێکخراوی جیهانی کشتوکاڵی پارێزگای کوردستان، سادق بهزادی وتی: هەڵگرتنی بەرهەمی چەوەندەری قەند لە سەرەتاکانی مانگی خەزەڵوەرەوە لە گوندەکانی سەقز دەستی پێکرد و لە لایەن شەریکەکانی هەرەوەزی گوندەکانی ترجان و ساحێبەوە ١٣ هەزار تۆن لە ئەو بەرهەمە بە بڕی ٦٢ ملیار ڕیاڵ کڕدراوە و نێردراوە بۆ کارخانەکانی قەندی میاندۆئاو، خۆی، ورمێ و ئەسفەهان.

بهزادی لە کەم بوونەوەی بەرهەمی چەوەندەری قەند لە چاو ساڵی رابردوو هەواڵی دا و وتی: ساڵی ٩٧ لە ئەو شارە ١٧ هەزار تۆن چەوەندەری قەند هاتووەتە بەرهەم بەڵام ئەمساڵ بە هۆی دۆخی کەشوهەوا، ئافاتی جۆراوجۆر و حەزی وەرزێران، ئەو بەرهەمە کەم بووەتەوە.

ناوبراو وتیشی: بە پێی پەسەند کراوی ئەنجومەنی ئابووری وڵات، نرخی هەر یەک کیلۆگرام چەوەندەری قەند بە کوالێتی ١٦ و کرێی گواستنەوەی، چوارهەزار و ٣٦١ ڕیاڵ دیاری کراوە.

News Code 29631

نیشانەکان

بۆچوونی ئێوە

You are replying to: .
  • 4 + 7 =