سزای تاوانبارانی دۆسیەی سیخۆری لە ناوەندە سەربازییەکانی ئێران دیاری کرا

وتەبێژی دەزگای داد لە دەرکرانی حوکمی تۆمەتبارانی دۆسیەی سیخۆری لە ناوەندگەلی سەربازی لە قەوارەی ژینگەپارێزی، هەواڵی دا.

بە ڕاپۆرتی ئاژانسی مێهر، غوڵامحسێن ئیسماعیلی وتەبێژی دەزگای داد بە ئاماژە بە دەرکرانی حوکمی تۆمەتبارانی سیخۆری لە ناوەندگەلی سەربازی لە قەوارەی ژینگەپارێزی، وتی: پاش بەڕێوەچوونی ٣٦ دانیشتنی دادگا بە ئامادەبوونی خودی تۆمەتباران و پارێزەرەکانیان لە لقی ١٥ی دادگەی شۆڕش، سەرۆکی دادگە پاش هەڵسەنگاندنی لێدوانی هەموو لایەنەکان حوکمی دانێ.

ئیسماعیلی وتیشی: بە گوێرەی سزانامەی دەرکراوە لە لایەن سەرۆکی ئەو لقەی دادگە، تۆمەتبارانی دۆسیەکە بە سزای زیندانی ٤ تا ١٠ ساڵ حوکم دران.

وتەبێژی دەزگای داد بە ئاماژە بەوەی کە تۆمەتباران هەلی داخوازی بۆ پێداچوونەوە بەو حوکمەیان هەیە، بە پێی بڕگەگەلی یاسایی خۆی لە دەربڕینی وردەکارییەکان بوارد.

شایانی باسە تۆمەتباران و پارێزەرانیان ٢٠ رۆژ دەرفەتیان هەیە کە هەمبەر بەو حوکمە دادگە خوازیاری پێداچوونەوە بن.

دوو ساڵ لەمەوپێش شەش کەس بە تاوانی کاری سیخوڕی و ئەمنیەتی لە ئێران دەستگیر کران کە خۆیان وەک چالاکی ژینگەپارێزیی دەرخستبوو.

دوو ساڵ دۆسیەیان کراوەیە لە لقی ۱۵ی دادگەی شۆڕش .

News Code 29446

نیشانەکان

بۆچوونی ئێوە

You are replying to: .
  • 3 + 11 =