دۆزینەوەی کێڵگەیەکی گەورەی نەوت لە باشووری ئێران

سەرۆک کۆماری ئێران لە دۆزینەوەی کێڵگەیەکی نەوتی نوێ لە لایەن کەرتی دۆزینەوەکانی شەریکەی نەتەوەیی نەوتی ئێرانەوە هەواڵی دا.

بە ڕاپۆرتی ئاژانسی هەواڵی مێهر، حەسەن ڕۆحانی لە کۆڕی خەڵکی یەزد ڕایگەیاند: ئەمە خەڵاتی بچووکی دەوڵەت و خەڵاتی کۆمپانیای نەوت و وەزارەتی نەوت بۆ نەتەوەی گەورەی ئێرانە. ئێمە کێڵگەیەکی نەوتی بە ئەندازەی ٥٣ ملیار بەرمیل نەوتمان دۆزیوەتەوە. ئەمە لە گۆڕەپانێکی نەوتی گەورەیە کە لە بۆستانەوە دەست پێدەکات و تا نزیک ئومیدیە ٢ هەزار و ٤٠٠ کیلۆمەتری چوارگۆش پانتایی هەیە. ئەو لۆوە نەوتییە ٨٠ مەتر قووڵایی هەیە و نەوتەکەی بڕی ٥٣ ملیار بەرمیلە.

ڕۆحانی وتیشی: سەرەڕای دوژمنایەتییەکانی ئەمریکا، بە کۆشکی سپی ڕادەگەیێنین، بە کوێری چاوی هەموو دوژمنانی نەتەوەی ئێران، لە ئەو ڕۆژانە کە ئێوە فرۆشی نەوتی ئێرانتان گەمارۆ دا و گوشارتان خستە سەر نەتەوەی ئێمە، کرێکارە ئازیزەکانی ئێمە و نەژیارڤانەکانمان توانیان ٥٣ ملیار بەرمیل نەوت لە کێڵگەیەکی گەورە بدۆزنەوە.

ناوبراو زیادی کرد: ئەوەی کە گرینگە لە ئەو ٥٣ ملیار بەرمیلە تا چ ڕادەیەک دەتوانین دەربهێنین و بفرۆشین و لێرەدایە کە زانست و تەکنۆلۆژی قسەی یەکەم دەکات. من بە ئێوە دەڵێم کە ئەگەر سەدا یەکی هەڵگرتنی ئەو کیڵگە نەوتییە زیاتر ببێتەوە، ٣٢ ملیار دۆلار داهاتمان زیاد دەبێت.

News Code 29274

نیشانەکان

بۆچوونی ئێوە

You are replying to: .
  • 2 + 0 =