ئەمریکا واز لە پاڵپشتی کردنی پەکەکە و یەپەگە بێنێت

یاووز سەلیم کران جێگری وەزیری دەرەوەی تورکیا لە لێدوانێکدا ڕایگەیاند: ئەمریکا دەبێ پاڵپشتییەکانی بۆ پەکەکە و یەپەگە بوەستێنێت.

بە راپۆرتی ئاژانسی هەواڵی مێهر بە گێرانەوە لە تەلەڤیزیۆنی NTV، یاووز سەلیم کران جێگری وەزیری دەرەوەی تورکیا لە کۆڕبەندی "پەیوەندییەکانی تورکیا – ئەمریکا؛ بنەما هاوبەشەکان و دوورنوێنە نوێیەکان" بە ئاماژە بە ناکۆکییەکانی ئەم دواییە لە پەیوەندییەکانی نێوان دوو وڵاتی ئەندامی ناتۆ، ڕایگەیاند: پەیوەندییەکانی نێوان تورکیا و ئەمریکا بە قۆناغێکی هەستیاردا تێدەپەڕێت. هاوکاریی ستراتژیکی نێوان ئەنقەرە – واشنتۆن تەنیا بە پێی بەرژەوەندییە کاتییەکان دانەڕێژراوە، بەڵکوو سەرەڕای هەموو تاقیکارییەکان تورکیا و ئەمریکا توانیویانە بەردەوام پەیوەندییەکانیان لە بەرژەوندیی هەر دوولا بپارێزن.

ناوبراو ڕاشیگەیاند: تورکیا بە هیچ چەشنێک پاڵپشتییەکانی ئەمریکا لە پەکەکە / یەپەگە لە باکووری سووریا قبووڵ ناکات و واشنتۆن دەبێ ئەو پاڵپشتیانەی بوەستێنێت. یەکێکی دیکە لە کێشەکانی بەردەم پەیوەندیی تورکیا – ئەمریکا پرسی جەماعەتی گولەن و فەتحوڵڵا گولەنە کە لە ئەمریکا دەژی و ئەمە بۆتە هۆی دڵساردبوونەوەی گەل و دەوڵەتی تورکیا.

News Code 26612

نیشانەکان

بۆچوونی ئێوە

You are replying to: .
  • 5 + 4 =