نیگەرانی زمانی فارسیم/گەلێ شوناسی خۆی ون بکات لەناو دەچێت

ڕێبەری باڵای شۆڕشی ئیسلامی ئێران لە دیداری مامۆستایانی زمان و ئەدەبی فارسی و شاعێران وتیان: من بە ڕاستی نیگەرانی زمانی فارسیم چونکوو لە ڕەوتی گەشتیدا، زمانی فارسی خەریکە دەسوێت.

 شەوی ڕابردوو ئایەتوڵڵا خامنەیی لەگەڵ ژمارەیەک لە شاعێران و مامۆستایان و زمان و ئەدەبی فارسی  دیدار وگفتوگۆیان کرد.                     

 ڕێبەری لەم دیدارەدا  وتیان: شاعێرە گەورەکانی فارسی زمانی وەک حافز، سەعدی، فێردۆسی و مەولەوی سەرانسەر ئەخلاق، فێرکاری ، بەڵێن ، ژیری ، حیکمەت، عێرفان، مەعنەویەت و ئیسلامی خاوێنە، کەواتە جیاکردنەوەی لایەنە هونەریەکەی لە لایەنی ڕاسپاردەیی و بەڵێنیەکەی ، چەواشەکاری ئاشکرا و نیشانەی خافڵ بوون و نەخوێنەوارییە.

 ئەوەشیان ئاماژە پێدا کە لە شێعرەکاندا دەبێ شوناسی نەتەوەیی گرینگی پێبدرێت چونکوو ئەو گەلەی شوناسی خۆی ون بکات لە مستی بیانییەکاندا دەتوێتەوە و لەناو دەچێت.

رێبەری باڵای شۆڕشی ئیسلامی ئێران لە بەشێکی قسەکانیاندا ئاماژەیان دایە زمانی فارسی و نیگەرانی خۆیان دەربڕی و وتیان: من بە ڕاستی لەبارەی زمانی فارسیەوە نیگەرانم، چونکوو لە ڕەوتی گشتیدا، زمانی فارسی خەریکە دەسوێت.

 زیادیشیان کرد: من گازندەم لە دەنگ و ڕەنگ هەیە، چونکوو لەبری پەرەدان بە زمانی  دروست و پێوەر و زمانی ساف و ڕەسەن، هەندێ جار زمانێکی بێ شوناس و گێرانەوەی هەڵە و خراپتر لە هەمووی وشەی بیانی برەو پێدەدەن کە ئەمە خۆی دەبێتە هۆی پیس کردنی زمان بە زیادەی خراپ.

 ڕوو لە بەرپرسانی وڵات جەختیان کرد: ڕێگە مەدەن زمان تووشی سوانەوە و داڕمان بێت.

News Code 26587

نیشانەکان

بۆچوونی ئێوە

You are replying to: .
  • 2 + 10 =