کاردانەوەی حزبوڵڵای عێراق بە هاتنی فرۆکەهەڵگری ئەمریکی بۆ رۆژهەڵاتی ناڤین

حزبوڵڵای عێراق کاردانەوەی نیشان دا بە هاتنی کۆپاپۆرەی فرۆکەهەڵگر و بۆمبهاوێژی ئەمریکی بۆ رۆژهەڵاتی ناڤین و ئەو داپەڕەی بە هەوڵێک بۆ بەرەنگاربوونەوەی ئێران، بەرەی بەرخۆدان و حەشدی شەعبی زانی.

بە ڕاپۆرتی ئاژانسی هەواڵی مێهر بە گێڕانەوە لە "النهرین"، کەتیبەکانی حزبوڵڵای عێراق کاردانەوەی نیشان دا بە هاتنی کۆپاپۆرەی فرۆکەهەڵگر و بۆمبهاوێژی ئەمریکی بۆ رۆژهەڵاتی ناڤین.

محەمەد مەحی وتەبێژی کەتیبەکانی حزبوڵڵای عێراق ڕایگەیاند: ئەو تەشەنە سەربازییە مەترسیدارەی ئەمریکا لە دژی کۆماری ئیسلامی ئێران و بەرەی بەرخۆدان ئەنجام دەرێت.

ڕاشیگەیاند: ئەو جموجۆڵانە نیساندەری ئەوەن کە ئەمریکا دەیەوێ ناوچەکە بەرەو ئاراستەی شەڕ و ناسەقامگیری ببات. دروست وەک کارێک کە ساڵانێک لەوە پێش لە رێگەی داعشەوە ئەنجامی دا و ناوچەکەی لە شەڕەوە گلاند و ئەگەر بەرەی بەرخۆدان و خۆڕاگریی گەلانی ناوچە نەبا، ناوچەکە هێشتا لە بندەستی تیرۆریستانی داعشیدا دەبوو.

وتەبێژی کەتیبەکانی حزبوڵڵای عێراق لە درێژەدا وتی: تاقە ئامانجی ئەمریکا هێرش بۆ سەر گرووپگەلی بەرخۆدان، حەشدی شەعبی و ئێرانە، دەنا هەست بە مەترسی لە لایەن داعش و ئەلقاعیدە و گرووپە تیرۆریستییەکانی دیکە ناکات.

مەحی لە کۆتاییدا جەختی کرد: ئەمریکا لە پێناو تێوەگلاندنی ناوچە لە قەیران و ناسەقامگیری هەنگاو دەنێت و بۆ سەرخستنی پلانی مامەڵەی سەدە خەریکی هەڕەشە و باج ستاندن لە وڵاتانی ناوچەیە، هەر بۆیە دەبێ لە عێراق بڕوات و چیتر خۆی نەخاتە مەترسییەوە.

News Code 26395

نیشانەکان

بۆچوونی ئێوە

You are replying to: .
  • 5 + 9 =