هێزی کاردانەوەی خێرا لە سنووری ئێران و پاکستان پێکدێت

سەرۆک کۆماری ئێران و پاکستان لە بڕیاری ئیسلام ئاباد و تاران بۆ پێکهێنانی هێزی کاردانەوەی خێرا لە سنووری هاوبەشی دوو وڵات هەواڵیان دا.

بە ڕاپۆرتی ئاژانسی هەواڵی مێهر، حوجەتولئیسلام حەسەن ڕۆحانی سەرۆک کۆماری ئێران لە پرێس کۆنفڕانسی هاوبەش لە گەڵ عومران خان سەرۆک وەزیرانی پاکستان وتی: یەکێک لە گرینگترین پرسەکانی ناو دانوستانەکانی ئەوڕۆی دوو وڵات پەرەدان بە پەیوەندیی دوو لایەنەی ئێران و پاکستان بە چەشنێک کە هیچ وڵاتێکی سێهەم نەتوانێ کاریگەری لە سەر پەیوەندی برایانە و دۆستانەمان دابنێت.

سەرۆک کۆمار بە ئاماژە بە گرینگی پرسی ئاسایشی سنوورە هاوبەشەکانی دوو وڵات و بەرەنگاربوونەوەی تیرۆریزم لەو ناوچانە، وتیشی: ئێمە سەبارەت بە بەرزکردنەوەی ئاستی ئەو هاوکاریانە و ئاڵوگۆڕکردنی زانیارییەکان لەوبارەیە ڕێککەوتووین و هەروەها بڕیار درا کە هێزێکی کاردانەوەی خێرای هاوبەش لە سنوورە هاوبەشەکاندا بۆ بەرەنگاربوونەوەی تیرۆریزم پێکبێت.

ڕۆحانی هەروەها ڕوانییە دەفرایەتییە باشەکان لە بواری بازرگانی و ئابووریی لە نێوان دوو وڵات و داخوازیی دوو وڵایەنە بۆ بەرزکردنەوەی ئاستی مامەڵەگەلی بازرگانی نێوانیان، ڕایگەیاند: کۆماری ئیسلامی ئێران ئامادەیە پێداویستییە نەوتی و گازییەکانی پاکستان دابین بکات. هەروەها هەنگاوی پێویست بۆ گواستنەوەی بۆریی گاز بە پاکستان لە لایەن ئێرانەوە هەڵگیراوە و ئامادەی وەربەرهێنانین.

ناوبراو بە ئاماژە بە بەرزکردنەوەی ١٠ هێندەیی هەناردەی کارەبا لە ئێرانەوە بۆ پاکستان، ڕاشیگەیاند: سەبارەت بە پێکهێنانی کۆمیتەی تهاتر ڕێککەوتین تا لە هەناردە و هاوردەدا تهاترمان پێکەوە هەبێت.

سەرۆک کۆماری ئێران لە درێژەدا ئاماژەی بە هاوکارییەکان بۆ سەقامگیری و ئاسایشی ئەفغانستان و هەروەها پرسە ناوچەییەکانی دیکە کرد و جەختی کرد: هەنگاوگەلی هەڵەی ئەمریکا هەمبەر بە پرسە گرینگەکانی ناوچە و لەوان پرسی قودس، بەرزاییەکانی گوڵان و سووکایەتی بە سوپای پاسدارانی شۆڕشی ئیسلامی بەشیکی دیکەی دانوستانی ئەوڕۆ لە گەڵ سەرۆک وەزیرانی پاکستان بوو.

ڕۆحانی بە بیرهێنانەوەی بنیاتنەریی ڕێکخراوی ئابووریی ئێکۆ لە لایەن وڵاتانی ئێران، پاکستان و تورکیا، وتی: ئەو سێ وڵاتە هەر لە ڕابردووەوە بەردەوام پێکەوە پەیوەندیی زۆر باشیان بووە و ئەوڕۆ هیوادارین کە پەیوەندییەکان زیاتر لە جاران پەرە بستێنێت و رێگەی ئاسنی ئەستەنبۆڵ بە ئیسلام ئاوا چالاک بکرێت و لەو رێگەوە ئەورووپا بە پاکستان و چین پەیوەست بکرێت.

ناوبراو لە کۆتاییدا بە ئاماژە بە بانگهێشت کرانی لە لایەن سەرۆک وەزیرانی پاکستان بۆ سەفەر بەو وڵاتە، لە واژۆ کرانی بەڵگەی هاوکاریی دوو وڵات لە بواری توندروستی و دەرمان هەواڵی دا.

News Code 26150

نیشانەکان

بۆچوونی ئێوە

You are replying to: .
  • 1 + 15 =