ئیسرائیل دوژمنی سەرەکی ئۆمەتی عەرەبییە نەک ئێران

بە ڕاپۆرتی ئاژانسی هەواڵی مێهر لە نەشرە، ظافر العانی ئەندامی پەرلەمانی عەرەبی جەختی کرد: دوژمنی سەرەکی ئۆمەتی عەرەبی ڕژێمی زایۆنییە نەک ئێران.

ناوبراو وتیشی: بڕێک کەس هەوڵ دەدەن تا شوێنی دوژمنایەتی ئیسرائیل و ئێران بگۆڕن. ڕاستە ئێران لە بڕێک پرسدا هەڵوێستی نەرێنی دژی ئۆمەتی عەرەبی دەنوێنێت بەڵام ئەو پرسە نابێت بە هیچ شێوەیەک ببێتە هۆی ئەوەی کە دوژمنی سەرەکی ئۆمەتی ئێمە و شەڕی ئێمە لە گەڵ ئیسرائیل فەرامۆش بکرێت.

العانی لە درێژەدا زیادی کرد: وڵاتانی عەرەبی بە توندی لە گەڵ ئاسایی کردنەوەی پێوەندییەکان لە گەڵ ئیسرائیل دژایەتیان هەیە و ئەو کارە پێش بەرێوە چوونی گەڵاڵەی ئاشتی عەرەبی کوودەتایەک دژی ئەو گەڵاڵە دێتە ئەژمار.

ناوبراو جەختی کرد: بڕێک لە وڵاتەکان بە پێی ڕاستی سیاسی خۆیان بڕیاری ئاسایی کردنەوەی پێوەندییەکانیان داوە بەڵام ئەو کارە بێژەری هەڵوێستی کۆمکاری عەرەبی و پەرلەمانی عەرەبی کە پاڵپشتی پرسی فەلەستینە، نییە.