ئەنیمەیشنی خەونەکان لە قووڵایی بەرهەم هات

سەرۆکی حەوزەی هونەری کوردستان وتی: ئەنیمەیشنی خەونەکان لە قووڵایی لە نووسینی ڕەزا محەمەدی و تۆمار کردنی هونه‌رمه‌ندی کۆچکردوو ڕەحیم زەبێحی بەرهەم هات.

بە ڕاپۆرتی ئاژانسی مێه لە پەیوەندییە گشتییەکانی حەوزەی هونەری کوردستان، ئەمین مورادی وتی: لە درێژەی کارە هونەرییەکانی حەوزەی هونەری کوردستان ئەنیمەیشنی خەونەکان لە قووڵایی بە درێژی ۱۰ خولەک لە نووسین و دەرهێنانی ڕەزا محەمەدی بەرهەم هات.

ئەو زیادی کرد: ئەم بەرهەمە هونەرییە ٤ ساڵ کاتی بردووە تاکوو بەرهەم هاتووە و زیاتر لە ۱٤ هەزار فرەیم نیگارکێشی بۆ کراوە. بەرهەمەکە لە لایەن هونەرمەندی کۆچ کردوووی کورد، ڕەحیم زەبێحی تۆمار کراوە.

سەرۆکی حەوزەی هونەری کوردستان وتی: ئەم ئەنیمەیشنە چەندەمین کاری هاوبەشی نێوان ڕەزا محەمەدی و حەوزەی هونەرییە، غەزاڵە محەمەدی کاری ئەنیماتۆرییەکەی ئەنجام داوە و کامێراوانی و ئیدیتی کۆمپیوترییەکەر لە لایەن حەسەن قورچیانەوە ئەنجام بووە، سوهراب نوربەخشیش کاری ئاتالۆناژەکەی ئەنجام داوە.

شایانی باسە پێشتر ڕەزا محەمەدی ئەنیمەیشنەکانی کورتە چیرۆک، خەونی نان و جێ پێی بەرهەم هێناوە.

News Code 24580

نیشانەکان

بۆچوونی ئێوە

You are replying to: .
  • 3 + 0 =