ڕێگه‌ناده‌ین كه‌س په‌یوه‌ندییه‌كانمان لەگەڵ هەرێمی کوردستان تێكبدات

وەزیری دەرەوەی ئێران جەختی کرد کە تاران ڕێگە نادات کەس پەیوەندییەکانی لەگەڵ هەرێمی کوردستان تێکبدرێت.

بە ڕاپۆرتی ئاژانسی هەواڵی مێهر، ئێوارەی ئەمڕۆ سێ شەمە 25ی بەفرانبار كۆربه‌ندى ئابووری نێوان هەرێم و ئێران لە شاری سلێمانی بە ئامادەبوونی وەزیری دەرەوەی ئێران و جێگرى سه‌رۆكى حكومه‌ت و پارێزگارى سلێمانى و به‌رپرسانى حكومه‌تى هه‌رێم و ئێران دەستیپێكرد.له‌ سلێمانى كۆڕبه‌ندى هاوبه‌شى بازرگانى هه‌رێم و ئێران  دەستی پێ کرد.

محه‌مه‌د جه‌واد زه‌ریف وه‌زرى ده‌ره‌وه‌ى ئێران له‌میانى كۆڕبه‌نده‌كه‌دا ڕایگه‌یاند: ئاسایشى هه‌رێمى كوردستان بۆ ئێمه‌ گرنگه‌ و پشتیوانى هه‌رێمى كوردستا ده‌بین و ڕێگه‌ ناده‌ین كه‌س په‌یوه‌ندییه‌كانى نێوانمان تێكبدات.

وتیشى: ئێمه‌ چه‌ندین ساڵه‌ په‌یوه‌ندیمان هه‌یه‌ و خوێنى لاوه‌كانمان له‌چه‌ندساڵى ڕابردووزودا پێكه‌وه‌ له‌ دژى تیرۆر و دیكتاتۆریه‌ت ڕژاوه‌، بوونه‌ته‌ قوربانى چه‌كى كیمیای و له‌ ته‌نیشت یه‌ك بۆ ڕوبه‌ڕوبونه‌وه‌ى داعش شه‌ڕمانكرد.

ئاماژه‌ى بۆ ئه‌وه‌شكرد، ئاڵوگۆڕی بازرگانی نێوان عێراق و ئێران 12 ملیار دۆلارە و دەیانەوێت ئەو ئاڵوگۆڕە بگاتە 20 ملیار دۆلار، كە بۆ گەشەی ئابووری هەرێمى كوردستان هاوكار و هه‌ماهه‌نگ بوین.

 لای خۆشیەوە قوباد تاڵه‌بانى، جێگری سەرۆكى حكومه‌تى هەرێمى كوردستان له‌ وتەیەكدا ڕایگه‌یاند: په‌یوه‌ندییه‌ ئابورییه‌كانمان له‌گه‌ڵ كۆمارى ئیسلامی ئێران بەهێزتر دەكەین.

ڕاشیگەیاند: لەگەڵ ئێران پێكەوە شەڕی تیرۆرمان كرد و ئێران لە ڕۆژگارە سەختەكاندا پشتیوانی لە هەرێمی كوردستان كرد.  

ئاماژه‌ى بۆ ئه‌وه‌شكرد کە بەهەموو شێوەیەك پشتیوانی كۆمپانیا بیانی و ناوخۆییەكان دەكەین كە لە هەرێمی كوردستان كاردەكەن و هەوڵدەده‌ین شایستەی دارایی ئەو كۆمپانیا ئێرانی و بیانیانە خەرج بكرێت كە لەهەرێمی كوردستاندا له‌بوارى وه‌به‌رهێنان كاردەكەن.

جێگرى سه‌رۆكى حكومه‌تى هه‌رێمى كوردستان ئه‌وه‌شی خسته‌ڕوو کە پێشتر قەیرانی دارایی و  شەڕی داعش فشاری زیاتری خستبووە سەر حكومەتی هەرێم، بەڵام ئێمە گەشبینین و لەئێستادا قۆناغە سەختەكانمان تێپەڕاندوە.

News Code 24356

نیشانەکان

بۆچوونی ئێوە

You are replying to: .
  • 3 + 12 =