هەناردەی ١.٨ ملیار دۆلار کاڵا لە کرماشانەوە بۆ دەرەوەی ئێران

بەرپرسی گشتی گومڕۆکەکانی کرماشان لە هەناردە کردنی زیاتر لە ١ ملیار و ٨٠٠ ملیۆن دۆلار کاڵا لە ساڵی ڕابردوو لە ڕێگای کرماشانەوە بۆ دەرەوەی وڵات هه‌واڵی دا.

خەلیل حەیدەری لە وتووێژ لە گەڵ هەواڵنێری مێهر، سەبارەت بە هەناردە کردنەکان لە ماوەی ساڵی ٩٥ لە ڕێگای گومڕۆکەکانی پارێزگای کرماشانەوە، وتی: ساڵی ڕابردوو یەک ملیار و ٨٦٢ ملیۆن و ٧٥١ هەزار و ٧٥٦ دۆلار بە کێشی پێنج ملیۆن و ٥٩٨ هەزار و ٤٤٨ تۆن لە گومڕۆکەکان و بازاڕچە سنوورییەکانی پارێزگای کرماشانەوە هەناردەی دەرەوەی وڵات کراوە.

ناوبراو زیاترین کاڵا هەناردە کراوەکان لە ڕێگای گومڕۆکەکانی کرماشانی به‌ ته‌ماته‌، کەلوپەلی ناو ماڵ و که‌لو په‌لی پاکژیکاری ،ماکە پلاستیکیەکان، چیمەنتۆ، دەفری ملامین، ئاژەڵە زیندووەکان لە جۆری پەز و دۆشاوی ته‌ماته‌ ناو لێبرد.

بەرپرسی گشتی گومڕۆکەکانی پارێزگای کرماشان بە وتنی ئەوەی کە زیاترین کاڵا ناوبراوەکان بۆ وڵاتی عێراق نێردراوه‌، وتی: لە ساڵی ٩٥ دا بە گشتی لە ڕێگای پارێزگای کرماشانەوە بۆ ٣٨ وڵات شتومەک هەناردە کراوە.

News Code 9140

نیشانەکان

بۆچوونی ئێوە

You are replying to: .
  • 7 + 9 =