پزشکیان: ئێمە دەستدرێژیمان نەکردووە/پێویستمان بە یەکگرتوویی ناوخۆییە

بە ڕاپۆرتی ئاژانسی هەواڵی مێهر، مەسعوود پزشکیان لە کۆبوونەوەی گشتی ئەمڕۆی مەجلیسی شۆرای ئیسلامی بە ئاماژە بە هەوڵەکانی ئیسرائیل بۆ هێرش بۆ سەر ئێران، وتی: دوژم ناتوانێت ئێمە و گەلەکەمان بە لێدان و تیرۆر کردن و کوشتن لاواز و لەناو ببەن. چونکوو هەر قارەمانێک ئاڵا لە دەستی دابکەوێت، سەدان قارەمانی دیکە ئالا بەدەستەوە دێن .

ناوبراو بە جەخت لەسەر ئەوەی کە ئێمە دەستدرێژیکەر نین، وتی: ئێمە ئەمڕۆ زیاتر لە هەر کاتێکی دیکە پێویستمان بە یەکگرتوویی هەیە و هەموو گەلی ئێران بە دەست لە ناو دەستی یەکتر کە پێک هاتووە، بە هەموو توانەوە بوەستن.

سەرۆک کۆمار جەختی کرد: ئەبێ ئەمڕۆ هەر کێشە، جیاواز و گرێ و کێشەیەک کە هەبووە، وەلا بنێین و بە یەکگرتووییەوە لە بەرانبەر ئەو هێرشانە بە هەموو توانەوە بوەستین.

ناوبراو زیادی کرد: بە پێی سیاسەتەکانی ڕێبەر ئێمە بەدوای چەکی ئەتۆمییەوە نین و ئەوە بیر و بڕوای ئێمەیە. ئەوەش کە پێچەوانەی ئەوە هەڵوێست دەگرێت هیچ پێگەیەکی لە نێو سیاسەتەکانی کۆماری ئیسلامی نییە.

پزشکیان درێژەی دا: ئێمە بەدوای شەڕەوە نین و دەستپێکەری شەڕ نەبووین. تیرۆریستەکان فەرماندە و زانایانی ئێمەیان تیرۆر کرد.

ناوبراو جەختی کرد: دوژمنان لە کەسانێک دەترس کە تێدەگەن، دەزانن و بەرخۆدان دەکەن، نەک ئەوانەی کە نازانن و خۆفرۆشن. ئێمە لە پێی ئاو و خاک، خەڵک و بڕواکانمان، تا پێی گیانی خپمان دەوەستین و هیچ ترسێکمان نییە. ئێمە داوا لە خەڵک دەکەین کە بەرخۆدان بکەن و بە هەموو بوونی خۆمانەوە هەوڵ دەدەین کە ئیزن نەدەین بۆ خەڵک و بژێوی و دەرمانیان هیچ کێشەیەک نەیێتە ئاراوە.