بە ڕاپۆرتی ئاژانسی هەواڵی مێهر، محەممەد ئیسلامی، جێگری سەرۆک و بەرپرسی ڕێکخراوی وزەی ئەتۆمی ئێران، لە سەروبەندی کۆبوونەوەی شۆرای حوکام و ئاژانسی نێودەوڵەتی وزەی ئەتۆمی و هەوڵەکانی سێ وڵاتی ئورووپایی و ئەمریکا بۆ دەرکردنی بڕیارنامەیەک لە دژی ئێران، لە چاوپێکەوتنێکدا لەگەڵ ئەلعەرەبی قەتەر وتی: هەموو وڵاتێک مافی خۆی هەیە و ئاژانسەکە ئەرکی خۆی هەیە، بەڵام بەداخەوە ئەم ئاژانسە و وڵاتانی دیکەی جیهان لەم ساڵانەی دواییدا متمانەیان لەدەستداوە، چونکە ئەمریکا زاڵ بووە بەسەریاندا و شێوازی کارکردنیان بە کردەوە جێبەجێکردنی فەرمانەکانی ئەمریکایە و نەک یاسا و ڕێسا و پەیڕەوی ناوخۆی ئاژانسەکە ئەمە کێشەیەکە کە خەڵکی جیهان ڕووبەڕووی بووەتەوە.
وتیشی: پێوەر بۆ چالاکی لە پیشەسازی ئەتۆمی لە جیهاندا ئەو یاسا و ڕێسایانەی ئێستایە کە ئێمە لە شێوەی پاراستن و پەیماننامەی NPTدا خەریکین ڕچاوی دەکەین.
جەختیشی کرد کە ئێران لەم چوارچێوەیەدا دەجووڵێتەوا. هیچ پلانێکی شاراوە و ڕانەگەیەندراومان نییە.
ئەوەشی وت کە کاتێک هەموو شتێک ڕوونە و هیچ بەڵگەیەک لەسەر پابەندنەبوون نییە، ئەمانە تەنیا ڕەفتاری سیاسی و زیادەڕەویکردنن. وەڵامی ئێمەش ڕوونە؛ ئێمە بە هێزەوە درێژە بە ڕێگاکەمان دەدەین و هیچ گومانێکمان لێ نییە.
Your Comment