بە ڕاپۆرتی ئاژانسی هەواڵی مێهر، سپای پاسدارانی شۆڕشی ئیسلامی لە بەیاننامەیەکدا بە بۆنەی یەکەمین ساڵڕۆژی شەهید بوونی شکۆمەندی فەرماندە ئازاکانی بەرەی خۆڕاگری و پارێزەرانی مەزارە پیرۆزەکان، سەردار محەممەد ڕەزا زاهیدی و فەریق محەممەد هادی حاجی ڕەحیمی و ئەفسەران و ڕاوێژکارانی یاوەریان لە تاوانی هێرشی مووشەکی ڕژێمی زایۆنی بۆ سەر بینای کونسوڵخانەی کۆماری ئیسلامی ئێران لە دیمەشق جەختی لە لەناوچوونی ئیسڕائیل کردەوە.
لەو بەیاننامەیەدا هاتووە: بەرخۆدان سەرکەوتووی کۆتاییە و ئیسڕائیل لەناو دەبات.
پیلانی زایۆنی و ئەمریکی لە ناوچەکەدا ناتوانێ جووڵەی خێرای ڕژێمی داگیرکەری قودس بەرەو پاشەکشە و لەناوچوون، کەم بکاتەوە . بە فەزڵی خودا، بەرەی خۆڕاگری، بەتایبەتی شەڕڤانانی بە پەرۆش و ئازای فەلەستینی، کە ئێستا سوودیان لە پاڵپشتی و لێکنزیکبوونەوەی گەورەی گەلان لە هەموو گۆشەکانی جیهان، بە ئەوروپا و ئەمریکاشەوە وەرگرتووە، دواجار کۆتایی بە ژیانی شەرمەزارکەری داگیرکەرانی فەلەستین دێنن و ڕزگاریی قودس، یەکەم قیبلەی موسڵمانانی جیهان، دەکەنە مانشێتی یەکەمی میدیاکانی جیهان.
Your Comment