پزشکیان و شێخ تەمیم قسەی چییان کرد

بە ڕاپۆرتی ئاژانسی هەواڵی مێهر، مەسعوود پزشکیان سەرۆک کۆماری ئێران لە پرێس‌کۆنفڕانسی هاوبەشی لەگەڵ ئەمیری قەتەر وتی: دیدارە بەردەوامەکانی بەرپرسانی دوو وڵات نیشاندەری پەیوەندیی تۆکمەی مێژوویی، فەرهەنگی و ئابووریی نێوان دوو وڵات و ڕوانگەی لێک نزیک سەبارەت بە پرسە ناوچەیی و نێودەوڵەتییەکانە.

وتیشی: لەم دیدارەدا وێڕای ئەمیری قەتەر سەبارەت بە پرسە دوو قۆڵی و هاوپەیوەندەکان بە بەرژەوەندیی دوو وڵات گفتوگۆمان کرد و بۆ گەشە و پەرەدانی پەیوەندییەکان و کردنەوەی بواری نوێی هاوکاری بڕیاری زۆر باشمان دا.

سەرۆک کۆماری ئێران لە درێژەدا بە ئاماژە بە بڕیاردان دوو وڵات بۆ گرتنەبەری هەڵوێستێکی گونجاو لەپێناو کەمکردنەوەی ژان و ڕەنجی گەلی غەزە و وەستاندنی جەنایەتەکان لە دژیان، جەختی کرد: هەموو دەوڵەتان و گەلانی جیهان پێویستە هەموو هەوڵی خۆیان بۆ بەرگری لە مافی خەڵکی فەلەستین و بەتایبەت غەزە، لە پێناو بەهرەمەندی لە ژیانێکی هێمن لە نیشتمانی مێژووییاندا بخەنە گەڕ.