بە ڕاپۆرتی ئاژانسی هەواڵی مێهر بە گێڕانەوە لە "النشره"، ئەسعەد شیبانی وەزیری دەرەوەی دەوڵەتی کاتی سووریا، رایگەیاند کە وڵاتەکەی داوا لە کۆمەڵگای جیهانی، ڕێکخراوی نەتەوە یەکگرتووەکان و وڵاتانی دۆست و برادەری دەکات کە گوشار بخەنە سەر ئیسرائیل بۆ کشانەوەی لەو سەرزەوینانەی سووریا کە لەم دواییەدا داگیری کردووە.
شیبانی بە ئاماژە بەوەی کە ئیسرائیل پێشتر حزبوڵڵاو دەوڵەتی بەشار و هێزەکانی ئێرانیی کردبووە بیانووی بوردومانی سووریا، وتیشی: وڵاتی ئێمە هیچکات نابێتە هەڕەشە بۆ وڵاتانی تر و لەوان ئیسرائیل و ئیسرائیل بۆ ئەوەی ئاسایشی خۆی بپارێزێت، دەبێ ڕێز لە ئاسایشی دیترانیش بگرێت.
Your Comment