بە ڕاپۆرتی ئاژانسی هەواڵی مێهر، مەزڵۆم کۆبانی، فەرماندەی هێزەکانی سووریای دیمۆکراتیک لە گفتوگۆ لەگەڵ گۆڤاری ورلد نیسبەت بە مەترسی هێرشی تورکیا بۆ سەر کۆبانێ هۆشداریی دا و وتی: تورکیا بۆ هێرش بۆ سەر کۆبانێ ئامادەیە و جووڵە سەربازییەکان و کۆبوونەویە هێز و جیهازاتی بۆ هێرش بۆ سەر ئەو شارە زیاد کردووەتەوە.
ناوبراو سەبارەت بە پێوەندی لەگەڵ ئەمریکا بۆ ڕاگرتنی هێرشەکانی تورکیا و تیرۆریستەکانی سەر بە ئەو وڵاتە زیادی کرد: ئێمە خەریکی گفتوگۆ لەگەڵ بەرپرسانی ئەمریکی لە کۆشکی سپی و وەزارەتی بەرگری و دەرەوەی ئەمریکاین. ئەمریکا بۆ راگرتنی هێرشەکانی تورکیا دەستێوەردانی کردووە و گوشاری خستووەتە سەر تورکیا بۆ ڕێگری لە هێرش بۆ سەر کوردەکانی سووریا. ئەمریکا هەموو هەوڵی خپی بۆ ڕاگرتنی جووڵە سەربازییەکانی تورکیا و تیرۆریستەکانی سەر بە ئەو وڵاتە خستووەتە گەڕ. بەڵام سەرەڕای ئەوە ئاگربڕ پێشێل کراوە و تورکیا درێژە دەداتە هێرشەکانی خۆی.
فەرماندی هێزەکانی سووریای دیمۆکراتیک لەسەر پێوەندی کوردەکان لەگەڵ دۆناڵد ترامپ وتی: ئێمە لە خولی یەکەمی سەرۆک کۆماری دۆناڵد ترامپدا دۆستانی زۆرمان هەبوو و لە خولی نوێشدا هەوڵ دەدەین پێوەندی باشمان هەبێت لەگەڵ ئەو تیمە.
ناوبراو سەبارەت بە پێوەندیان لەگەڵ تەحریرولشام وتی: لە ئێستادا گفتوگۆی ئێمە لەگەڵ ئەو گرووپە بەس بۆ هاوئاهەنگی سەربازی بۆ ڕێگری لە پێکدادان لە نێوان دوو گرووپەکە بووە و هێشتا هیچ گفتوگۆیەکی سیاسی لە ئارادا نەبووە.
Your Comment