بە ڕاپۆرتی ئاژانسی هەواڵی مێهر، عەبدولقادر سلوی، ڕۆژنامەەڤانی ڕۆژنامەی حوڕیەت و یەکێک لە شرۆڤەکارانی نزیک لە پارتی دەسەڵاتداری تورکیا ، لە یادداشتی ئەم دواییەی خۆیدا لەسەر دیداری ئەردۆغان و باخچەڵی، هەوڵی داوە ئامانج و ستراتیژییە سەرەکییەکانی هاوپەیمانی کۆماری لە بەرەنگار بوونەوەی گرووپە چەکدارە کوردییەکان و پرسە ناوخۆیی و دەرەکییەکانی تورکیا شی بکاتەوە.
عەبدولقادر سلوی لە یادداشتەکەیدا ئاماژەی داوەتە سەر ستراتیژی تورکیا هەمبەر گرووپە چەکدارە کوردەکانی سووریا. ناوبراو شرۆڤەی دەکات کە لە کۆبوونەوەی ئەنجومەنی ئاسایشی نەتەوەیی هێرشە تیرۆریستییەکان بۆ سەر دامەزراوەکانی TUSAŞ و هێرش بۆ سەر باڵەخانەی پۆلیس لە یەک ساڵی ڕابردوو شی کرایەوە. لێکدانەوەکان نیشانی دەدات کە ئەو هێرشانە لەلایەن گرووپگەلێکەوە ئەنجام دراوە کە لە سنووری سووریاوە هاتوونەتە نێو تورکیا.
بۆیە بڕیار درا کە ناوچەی سنووری 30 بۆ 40 کیلۆمەتری لە درێکەی سنووری 910 کیلۆمەتری سووریا تەواو بکرێت.
ناوبراو لە بەشێکی دیکەدا ئاماژەی داوەتە سەر سیاسەتەکانی دەوڵەت هەمبەر شارەوانییەکانی کوردستانی تورکیا. بە گوێرەی راپۆرتەکان، تا ئێستا 38 شارەوان لە دەم پارتییەوە کە پاگەندە دەکرێت پێوەندیان لەگەڵ پەکەکە هەبووە، ناسراونەتەوە. لەوانە شارەوانەکانی شارەکانی حەککاری، ماردین، باتمان و هیلوان .
Your Comment