بە ڕاپۆرتی ئاژانسی هەواڵی مێهر، سەید عەباس عێراقچی، وەزیری دەرەوەی کۆماری ئیسلامیی ئێران کە بۆ سەردانی مەزارگەی ڕەزەوی هاتبووە مەشهەد، لە کۆتا خولەکەکانی سەفەرەکەیدا سەبارەت بە دانوستانی ناڕاستەوخۆی ئێران و ئەمریکا، سەردانەکەی عەرەبستان و هەڵسوکەوتی بەرپرسانی ئەمریکا سەبارەت بە دانوستانەکان وەڵامی پرسیاری هەواڵنێرانی دایەوە.
وەزیری دەرەوەی کۆماری ئیسلامیی ئێران ڕایگەیاند: کات و شوێنی دانوستانەکان لە لایەن وڵاتی میواندارەوە دیاری دەکرێت کە عومانە.
وتیشی: هاوڕێیانی عومانی سەبارەت بە یەکشەممە پرسیاریان لێکردین و ئێمەش ڕەزامەندی خۆمان دەربڕی. وادیارە لەگەڵ لایەنی بەرامبەریش قسەیان کردووە و تا ئێستاش بڕیارە دانوستانەکان ڕۆژی یەکشەممە ئەنجام بدرێن.
چاوەڕوانی هەماهەنگی لە لایەنی عومانییەوەین سەبارەت بە کاتی دەستپێکردنی دانوستانەکان.
Your Comment