بە حوکمێک لە لایەن پزشکیانەوە؛
حسێن‌زادە بە فەرمی بووە جێگری سەرۆک کۆمار
سەرۆک کۆمار بە دەرکردنی حوکمێک بە فەرمی عەبدولکەریم حسێن‌زادەی کردە جێگری سەرۆک کۆماری لە کاروباری گەشەی گوندی و ناوچە بێ‌بەشەکان.
بە ڕاپۆرتی ئاژانسی هەواڵی مێهر، مەسعوود پزشکیان بە دەرکردنی حوکمێک عەبدولکەریم حسێن‌زادە نوێنەری پێشووی شارەکانی شنۆ و نەغدەی بۆ پۆستی جێگرایەتی سەرۆک کۆماری لە کاروباری گەشەی گوندی و ناوچە بێ‌بەشەکان دیاری کرد.
سەرۆک کۆمار لەو حوکمەدا جەختی کرد: چاوەروانی دەکرێت بە پشتبەستن بە خودای مەزن و لە چوارچێوەی یاسای بنەڕەتیدا، ئامانجەکانی بەڵگەی دوورنوێن، سیاسەتە گشتییەکانی پەسندکراوی ڕێبەری ئێران، پلانی حەوتەمی پێشکەوتن و بە ڕەچاوکردنی جاڕنامەی ئەخلاقی کارگێڕانی دەوڵەتی چواردەهەم، لە پێناو باشترکردنی هەلومەرجی ژیانی گوندنشینان بۆ وەدی‌هێنانی ئابووری بەرخۆدانی، پەیجۆری و چاوەدێری پێویست ئەنجام بدەن.
Your Comment