بە پێی ڕاپۆرتی ئاژانسی هەواڵی مێهر، بابه‌كر دڕه‌یی له‌میانی به‌شداریكردنی له كۆڕای خه‌ندان، سەبارەت بە دۆخی ناوچەکە و ئەگەری شەڕی ئێران و ئیسڕائیل رایگه‌یاند: "ئەمریكا لە ناوچەكە هەیە و چین تازەیە لە ناوچەكە و لەگەڵ ڕووسیا كاریگەریان لە ناوچەكەدا نییە، سیاسەتی ئەمریكا لە ناوچەكە نا عادلانەیە .
وتیشی: هەردوولا لە ناوچەكە پشتیوانی توندڕەوی ئیسرائیل دەكەن و بە هەردو حزبەكەیە، كە دیموكرات و كۆماریه‌كان، لۆبی ئیسرائیل لە ئەمریكا بەهێزە و سیاسەتی ئەو وڵاتەش لە ناوچە لە بەرژەوەنی ئیسرائیلە.
هەروەها فه‌رید ئه‌سه‌سه‌رد، ئه‌ندامی پێشوی سه‌ركردایه‌تی یه‌كێتی له كۆڕای خه‌ندان، له‌باره‌ی گرژییه‌كانی رۆژهه‌ڵاتی ناوه‌ڕاست و دۆخی غه‌ززه، رایگه‌یاند: دۆخی ئێران له‌م شه‌ڕه‌دا خراپ نابێت، به‌ڵكوو ئه‌وه‌ی دۆخی خراپ ده‌بێت ئیسرائیله.
ده‌شڵێت: "كێشه‌ی ئێران دووریه‌تی له ئیسرائیله‌وه بۆیه له‌كاتی بۆردوماندا ده‌بێت درۆن به‌كاربهێنێت ئه‌وه‌ی ماوه‌ی پێنج كاتژمێری پێده‌چێت، به‌ڵام ئه‌گه‌ر ئه‌و فڕۆكه و مووشه‌كانه وه‌ربگرێت كه داوای كردووه ئه‌وا به دووخوله‌ك ده‌گاته ئیسرائیل.
فه‌رید ئه‌سه‌سه‌رد ڕاشیگەیاند: کورد به ئه‌زمونی جینۆساید و ئه‌نفالدا تێپه‌ڕیوه و ئێستاش فه‌ڵه‌ستینییه‌كان به‌ودۆخه‌دا تێده‌په‌ڕن، بۆیه عه‌تفێكمان هه‌یه بۆ پرسی فه‌ڵه‌ستین.
Your Comment