بە پێی ڕاپۆرتی ئاژانسی هەواڵی مێهر، ئایەتوڵڵا خامنەیی ڕێبەری ئێران لە میانەی ڕێوڕەسمی تەنفیزی حوکمی سەرۆک کۆماری ئیسلامیی ئێران وتیان: سوپاسی خوای گەورە دەکەین کە چواردەهەمین هەڵبژاردنی سەرکۆماری بە باشترین شێوە بەڕێوەچوو سەرەڕای خەمباری گشتی کە بەهۆی لەدەستدانی سەرۆکە شەهیدەکەمانەوە هاتە ئاراوە. وتیشیان: پێشبڕکێکە ئارام و تەندروست بوو، ئێمەش شاهیدی هەڵسوکەوتی ئەخلاقی ڕکابەرەکان بووین لەگەڵ سەرۆکی بەڕێز دوای هەڵبژاردن، کە زۆر جێگەی ستایش بوو.
ئەو دیموکراسیەی کە لە وڵاتدا هەمانە، هەرزان و بە ئاسانی بەدەست نەهات
ڕێبەری شۆڕش جەختیان لەوە کردەوە: ئێمە دیموکراسییەکمان هەیە لەگەڵ کێبڕکێ لە وڵاتدا، کە هەرزان و بە ئاسانی بەدەست نەهات و ئەوەش دەرئەنجامی ڕاپەڕینی گەلە بەرامبەر بە دۆخێکی ناسەقامگیر و کارەساتبار کە لە ڕابردوودا لەم وڵاتەدا هەبووە.
هەموومان پێویستە یارمەتی سەرۆک کۆمار بدەین بۆ ئەنجامدانی کاری گەورە
ڕێبەری باسیان لەوەشکرد: تا ئێستا دەیان هەڵبژاردنمان هەبووە و هەموویان کێبڕکێ و تەندروست بوون و خەڵک بەشدارییان تێدا کردووە.
زۆر گرنگە خەڵک پاڵنەریان هەبێت لە سندوقەکانی دەنگدان کە هەمیشە هەبووە و هەڵبژاردنەکانی ئەم دواییە بە باشی بەڕێوەچوو و خەڵک سەرۆکێکی شایستەیان هەڵبژارد.
ڕێبەری شۆڕش جەختیان لەوە کردەوە: پێویستە هەموومان هاوکاری سەرۆک و دەوڵەت بکەین بۆ ئەوەی کاری گەورە بکەن.
پێویستە دەوڵەتی نوێ و سەرۆک لەم توانایە گەورەیەی خەڵک کەڵک وەربگرێت
پێویستە دەوڵەتی بەڕێز و سەرۆک ئەم توانایە گەورەیەی خەڵک بۆ خەڵک و لەگەڵ خەڵک و لە ناو خەڵکدا بەکاربهێنێت و بۆ گەیشتن بە ئامانجەکان و ئەو ڕێگایەی کە دەیانەوێت بەکاریبهێنن.
جەختیشیان کردەوە: سامانی ماددی و سروشتی وڵات زۆر زیاترە لەوەی تا ئێستا بەکارمان هێناوە. دەتوانین کاری گەورە بکەین بە پشت بەستن بە سامانی مرۆیی و سروشتی، مەرجەکە ئەوەیە کە ئێمە ئامانجێکی بەرزمان هەبێت.
ئەمڕۆ لە ڕووی کاتەوە ئەولەویەت دەدرێت بە پرسە ئابوورییەکان
جەختیشیان لەوە کردەوە: ڕاسپاردەی داهاتوو ڕێزگرتنە لە ئەولەویەتەکان؛ بابەتی ڕۆشنبیری و کۆمەڵایەتی زۆر گرنگە، بەڵام ئەمڕۆ لە ڕووی کاتەوە ئەولەویەت دەدرێت بە پرسە ئابوورییەکان. هەم لەڕووی باشترکردنی بژێوی خەڵکەوە، پرسە ئابوورییەکان چارەسەر بکرێن، کە ئەمەش ئەرکێکی بەپەلە و کورتخایەنە و پێویستە ئەنجام بدرێت.
Your Comment