بە ڕاپۆرتی ئاژانسی هەواڵی مێهر، ڕەجەب تەیب ئەردۆغان، سەرۆک کۆماری تورکیا کە بەرنامەی سەفەری دوو مانگ لەمەوپێشی بۆ ئەمریکا هەڵوەشاوەتەوە، ئێستا بۆ بەشداری لە کۆبوونەوەی بەرپرسانی ناتۆ چووەتە واشنتۆن. هێشتا نادیارە کە ئایا دیداری دووقۆڵیی لەگەڵ جۆبایدن دەبێت یان نا.
بە پێی نووسراوی گۆڤاری ئەلمانیتۆر، ئەردۆغان لە ئەو سەفەرەدا دوو ئامانج شوێنگیری دەکات؛ هەوڵ بۆ بەشداری دووبارەی تورکیا لە بەرنامەی وەبەرهێنانی شەڕکەری پێشکەوتووی ئێف 35 کە پێشتر و لە ساڵی 2019 بە بۆنەی کڕینی سیستەمی بەرگری مووشەکی ئێس 400 لە ڕووسیا دەرکرابوو و هاوڕێ کردنی ئەمریکا و دیکەی وڵاتانی ئەندامی ناتۆ لەگەڵ خۆی بۆ بەرەنگار بوونەوەی هێزە کوردییەکانی سووریا و پەکەکە.
ئەردۆغان پێش لە سەفەرەکەی دوێنێ شەوی خۆی بۆ واشنتۆن لەسەر بەرەنگار بوونەوەی زیاتری ناتۆ لەگەڵ تیرۆریزم جەختی کردووە و بەردەوام ئەمریکای بۆ پاڵپشتی کردنی کوردەکان خستووەتە بەر ڕەخنەوە.
Your Comment