پارتی بەدوای کەسێکدا دەگەڕێت بیکات بە پارێزگاری کەرکووک

بە پێی ڕاپۆرتی ئاژانسی هەواڵی مێهر، شاندێكی لقی کەرکووکى پارتی سه‌ردانی مه‌ڵبه‌ندی یه‌كێتی له‌ كه‌ركووك كرد، له‌دوای كۆبوونه‌وه‌كه‌ش له‌كۆنگره‌یه‌كی رۆژنامه‌وانیدا، ڕه‌وه‌ند مه‌لا مه‌حمود لێپرسراوی مه‌ڵبه‌ندی یەکێتى وتى: دەگەڕین کەسێک بدۆزینەوە بێتە پارێزگاری کەرکووک.

وتیشی: له‌ كۆبوونه‌وه‌كه‌دا باسی دۆخی كه‌ركوكمان كرد، بۆئه‌وه‌ی هه‌وڵبده‌ین كاری جدی بۆ سه‌رخستنی میلله‌ته‌كه‌مان و كاراكردنی ئه‌نجومه‌نی پارێزگای کەرکووک بكه‌ین.
بەرپرسی لقى پارتى لە کەرکوک زیادی کرد: هه‌وڵده‌ده‌ین به‌یه‌كه‌وه‌ له‌گه‌ڵ یه‌كێتی كاربكه‌ین بۆئه‌وه‌ی كه‌سێك بدۆزینه‌وه‌ لای هه‌مو شار قبوڵ بێت و خزمه‌تی هه‌مو شار بكات و له‌پێكهاته‌ی كورد بێت و پۆستی پارێزگار وه‌ربگرێت.