AP ١٤٠٢ بەفرانبار ٥ ٠٩:٥٢

سەرۆک کۆماری ئێران:

تۆڵەی شەهید کردنی سەید ڕەزی مووسەوی لە ئیسڕائیل دەکەینەوە

تۆڵەی شەهید کردنی سەید ڕەزی مووسەوی لە ئیسڕائیل دەکەینەوە

سەرۆکی کۆماری ئێران پەیامێکی بڵاوکردەوە و هاوخەمی خۆی بەبۆنەی شەهیدبوونی سەردار سەید ڕەزی مووسەوی دەربڕی.

بە ڕاپۆرتی ئاژانسی هەواڵی مێهر، حوجەتولئیسلام سەید ئیبراهیم ڕەئیسی، پەیامێکی بڵاو کردەوە و سەرەخۆشی خۆی بۆ شەهیدبوونی سەردار سەید ڕەزی مووسەوی دەربڕی.

سەرەخۆشی لە خەڵکی ئێران و هاوڕێیانی لە سپای پاسدارانی شۆڕشی ئیسلامی دەکەم بۆ شەهیدبوونی سەردار سەید ڕەزی مووسەوی لە هێرشی مووشەکیی ڕژیمی تاوانکاری زایۆنی بۆ سەر دیمەشق.

ئەم سەردارە ئازا و بوێرە کە هەڤاڵی شەهید سەردار حاج قاسم سولەیمانی بوو، وەک ڕاوێژکاری میحوەری بەرخۆدانی ئیسلامی لە پاراستنی مەزارگەی ئەهلی بەیت لە سووریا و لە ڕێگای پاسەوانی بەها پیرۆزەکانی ئیسلام، و ناوێکی بەرزی بۆ خۆی بەجێهێشت.

بێ گومان ئەم کارە نیشانەیەکی دیکەی بێزاری، بێدەسەڵاتی و بێتوانایی ڕژێمی قۆرخکاری زایۆنی لە ناوچەکەیە و بە دڵنیاییەوە باجی ئەم تاوانە دەدات.

News ID 48461

Tags

Your Comment

You are replying to: .
  • captcha