ئێران چاوەڕێی تۆماری هەورامان/ڕێگای ئاسن ٢٥مین میراتی تۆمار کراوی ئێران

دۆسیەی ڕێگای ئاسنی سەرانسەری ئێران سەرەڕای کەم و کورتییەکان و ڕیفۆرمەکان، لە ئەنجامدا وەکوو ٢٥ەمین میراتی جیهانی ئێران تۆمار کرا. هەروەها بەیانی تۆماری هەورامان بەختی خۆی لە یونێسکۆ تاقی دەکاتەوە.

بە پێێ هەواڵێ مێهر، لە دانیشتنی ڕۆژی پێشووی کومیتەی میراتی جیهانی یونێسکۆ، دۆسیەی ڕێگای ئاسنی سەرانسەری ئێران لێک درایەوە و پاش پەسند کردنی ئەندامانی کومیتە، ڕێگای ئاسنی سەرانسەری ئێران بە درێژایی ١٤٠٠ کیلۆمەتر وەکوو بیست و پێنجەمین بەرهەمی میراتی کەلتووری ئێران لە ڕیزی ئاسەواری یونێسکۆ تۆمار کرا.

تۆماری ئەم ئاسەوارە لە ساڵی ٩٧ەوە دەستی پێ کردبوو. مەودای ڕێگای ئاسنی باکوور- باشوور لە یونێسکۆ بە ٨ ناوچە دابەش کرا و ٨٩ وێستگەی هەڵبژێردراو بە هۆی گرینگایەتی مێژوویی لێک درایەوە و بەڵگە لە سەری کۆ کرایەوە.

ئەم ڕێگایە لە بەندەری تورکەمەن لە باکووری ئێرانەوە دەست پێ دەکات و تاکوو بەندەری ئیمام خومەینی لە باشووری ئێران درێژەی هەیە.

کۆمیتەی میراتی جیهانی بڕیارە لە دانیشتنی ئەمڕۆیدا دۆسیەیەکیتری وڵاتەکەمان لە ژێر ناوی بنکەی دیمەنی فەرهەنگی_ مێژوویی هەورامان بۆ تۆماری جیهانی، لێک بداتەوە.

تۆماری جیهانی هەورامان هەنگاوێکی بەرزە بۆ گەشەی ناوچەی رۆژئاوای ئێران و بێ گومان بەو کارە هەورامان بەهرەمەند دەبێ لە پاڵپشتیگەلی ڕێکخراوی جیهانی یۆنسکۆ.

لە گەڵاڵەی تۆماری جیهانیی هەورامان، ٢۴ گوند لە پارێزگای کوردستان و ١٢ گوند لە پارێزگای کرماشان بەشدارن.

هەورامانی کوردستانی ئێران هەڵکەوتوو لە پارێزگاکانی کرماشان و و کوردستانە و زیاتر لە ٣٠٠ هەزار کەس حەشیمەتی تێدایە.

News Code 38383

نیشانەکان

بۆچوونی ئێوە

You are replying to: .
  • 2 + 4 =