بۆمبێک بە کاروانی هێزەکانی ئەمریکا تەقیەوە

سه‌رچاوه‌یه‌كی ئه‌منی له‌ به‌غدا رایگه‌یاند: ئه‌مڕۆ پێنجشه‌ممه‌، له‌رێگای خێرای بابل، بۆمبێكی چێندراو به‌ كاروانێكی ئۆتۆمبێله‌كانی هاوپه‌یمانی نێوده‌وڵه‌تی دژ به‌ داعش ته‌قیه‌وه‌.

بە پێی هەواڵی مێهر, له‌سه‌ر رێگای خێرای بابل بۆمبێكی چێندراو به‌كاروانی هاوكاری لۆجستی سه‌ر به‌ هاوپه‌یمانی نێوده‌وڵه‌تی ته‌قیه‌وه‌ته‌وه‌، زیانێكی زۆری ماددیش به‌ر ئۆتۆمبێله‌كان و شوێنی روداوه‌كه‌ كه‌وتوه‌.

ئه‌و سه‌رچاوه‌ ئه‌منیه‌ ئاشكراشی كرد، هێزێكی سه‌ربازی زۆر له‌شوێنی ته‌قینه‌وه‌كه‌ بڵاوه‌ی پێكراوه‌، لێكۆڵینه‌وه‌یان له‌وباره‌یه‌وه‌ ده‌ستپێكردوه‌.

پێشتریش چه‌ندجارێك له‌ناوچه‌كانی ناوه‌ڕاست و باشوری عێراق، كاروانی ئۆتۆمبێله‌كانی هاوپه‌یمانی نێوده‌وڵه‌تی كراونه‌ته‌ ئامانج و بۆمبی چێندراویان پێدا ته‌قێندراوه‌ته‌وه‌، دواین كرده‌وه‌شیان له‌ رۆژی 15ی (شوبات/ 2)ی 2021 بو كه‌ له‌ ناحیه‌ی ره‌شیدی باشوری رۆژئاوای به‌غدا، بۆمبێكی چێندراو به‌كاروانی هاوكاری لۆجستی سه‌ر به‌ هاوپه‌یمانی نێوده‌وڵه‌تی ته‌قیه‌وه‌ و ئه‌فسه‌رێك به‌پله‌ی ملازم برینداربو. 

News Code 36191

نیشانەکان

بۆچوونی ئێوە

You are replying to: .
  • 5 + 1 =