نیگەرانی کۆرۆنای گۆڕدراوین/کۆتایی هاتنی مەرگ بەهۆی کۆرۆنا نادیارە

سەرۆک کۆماری ئێران وتی: ئەو نیگەرانییە هەیە کە ڤایرۆسی گۆڕدراو لە شوێنەکانی دیکە جیهان ببینرێت هەر ئەو جۆرەی کە لە ئەفریقا تەشەنەی کردووە.

بە ڕاپۆرتی ئاژانسی هەواڵی مێهر، حەسەن ڕۆحانی سەرۆک کۆماری ئێران سەرلەبەیانی ئمەڕۆ شەممە لە کۆبوونەوەی لێژنەی نەتەوەیی بەرەنگار بوونەوەی کۆرۆنا وتی: ئەمڕۆ زیاتر لە 11 مانگ لە هاتنی کۆرۆنا بۆ ئێران تێدەپەڕێت و کۆتایی رێبەندان لە ڕاستیدا دەبێتە یەک ساڵ.

ڕۆحانی وتیشی: ئەو پەندمییە توانیویە تا ئێستا زیاتر لە 2 ملیۆن و 100 هەزار کەس بکاتە قوربانی. ئەوە ڕەقەمێکی گەورەیە کە دوو ملیۆن کەس لە جیهان بە هۆی ئەو نەخۆشییە گیانیان دەست داوە و هێشتاش دریژەی هەیە و نادیارە کە مەرگەکان بە هۆی کۆرۆنا تا کەی درێژەی دەبێت.

ناوبراو جەختی کرد: ئەو ڤایرۆسە گۆڕدراوە کە بە ناوی ئینگلیزی بەناوبانگە لەم دواییەدا لە ئەفریقای باشووریش بینراوە و ئەوەش زۆر ئێمەی نیگەران کردووە. ئەگەر وشیار نەبین ئەگەری هەیە ولاتی ئێمەش تووشی ببێت. بەتایبەت ئەوەی کە ئەمڕۆ ئاماری نیگەرانکەرێمان دی کە بەداخەوە لە هەندێک لە پارێزگاکان حاڵەتی تووشبوونی گەنجان و تازەلاوان زیاتر بووە.

سەرۆک کۆمار وتی: ئێمە لانیکەم ئەبێ تا پێنج، شەش مانگی داهاتوو هەر بە ئەم وردبینییەوە درێژە بدەینە ڕێنماییە تەندروستییەکان تا ڤاکیسنی کۆرۆنا بگات و کوتان دەست پێبکات.

News Code 35697

نیشانەکان

بۆچوونی ئێوە

You are replying to: .
  • 9 + 1 =