بە ڕاپۆرتی ئاژانسی هەواڵی مێهر، سەعید خەتیب زادە وتەبێژی وەزارەتی دەرەوە بە ئیدانە کردنی توندی هێنانی ناوی ئەنساروڵڵا لە لیستی گرووپە تیرۆریستیەکانی ئەمریکا، وتی: ئەو هەوڵە دەبێتە هۆی خراپترین قەیرانە مرۆییەکانی ئەم سەدەیە و رێگاکانی چارەسەری قەیرانی سیاسی یەمەن تووشێ کێشە دەکات.
وتەبێژی وەزارەتی دەرەوە وتیشی: هەوڵی وەزارەتی دەرەوەی ترامپ لە دوایین ڕۆژانی دەسەڵاتداری ئەو دەوڵەتە تەنیا لەلایەن هەندێک کەسەوە پێشوازی لێکراوە.
ناوبراو زیادی کرد: ئەگەر دەوڵەتی نوێی ئەمریکا بەدوای پێداچوونەوە لە سیاسەتی شکست خواردووی لە یەمەن بێت، ئەوە پێویستی بە هەڵوەشاندنەوەی ئەو هەوڵە و ڕوانینی ڕاست بینانەتر لە راستییەکانی وڵاتی یەمەنە.
خەتیب زادە لە کۆتاییدا داوای ڕاگیرانی پاڵپشتی سیاسی و سەربازی لەوانە قەدەغە کردنی فرۆشی چەک لەلایەن هەندێک وڵاتەوە لەوان ئەمریکا بە عەرەبستان و هاوپەیمانییەکەی کرد.
Your Comment