ئاڵای هەرێمی کوردستان بۆچی لە سەر مێزەکەی نێچێرڤان بارزانی دانرا

وەزیری دەرەوەی تورکیا دەڵێت: ئێمە هەمیشە کورد لە پەکەکە جیا دەکەینەوە، بۆیە ئاڵای هەرێمی کوردستانیشمان بۆ نێچیرڤان بارزانی دانا.

بە پێی ڕاپۆرتی ئاژانسی هەواڵی مێهر، مەولوود چاوش ئۆغڵو لە کۆنگرەیەکی رۆژنامەڤانیدا لەگەڵ وەزیری دەرەوەی کۆنگۆ لە ئەنقەرە رایگەیاند: " پەکەکە دەیەوێت وەک ئەوەی لە سلێمانی کردوویەتی لە هەولێریش بیکات.

ئەوەشی وت کە پارتی کرێکارانی کوردستان دەیەوێت دەست بەسەر حکومەتی هەرێمی کوردستان و هەولێردا بگرێت.

بە پاگەندەی چاوش ئۆغڵۆ "گەورەترین زیانمەندی دەستی پەکەکە کورد خۆیەتی و ئەوەندەی زیانی بە کورد گەیاندووە، ئەوەندە زیانی بە کەس نەگەیاندووە."

 وەزیری دەرەوەی تورکیا  باسی لەوە کردووە کە پەکەکە بووەتە کێشە بۆ هەرێمی کوردستان و منداڵی ئەو ناوچانە بۆ شاخ دەڕفێنێت.

چاوش ئۆغڵو جەختی لەوە کردەوە" "ئێمە پشتیوانی حکومەتی هەرێمی کوردستانین لە رۆژە سەختەکاندا و هەمیشە کورد لە پەکەکە جیا دەکەینەوە، بۆیە ئاڵای هەرێمی کوردستانیشمان بۆ نێچیرڤان بارزانی دانا. ئێمە دژی پەکەکەین و مانای ئەوە نییە کە دژی کورد بین".

وەزیری دەرەوەی تورکیا ئەوەیشی ئاشکرا کرد، ئێستا هەزار گوندی کوردستان لەژێر دەستی پەکەکەدان.

News Code 33995

نیشانەکان

بۆچوونی ئێوە

You are replying to: .
  • 1 + 5 =