تورکیا ئۆتۆمبێلی هێزەکانی پەکەکەی لە دهۆک کردە ئامانج

سه‌رچاوه‌یه‌ک له‌ پارێزگای دهۆک رایگه‌یاند: دره‌نگانی شه‌وی رابردوو فڕۆکه‌کانی تورکیا ئۆتۆمبێلێکیان لە گوندی ره‌شانکێی سه‌ر به‌ ناحیه‌ی زاوێته‌ی سنوری پارێزگای دهۆک کرده‌ ئامانج.

بەپێی ڕاپۆرتی ئاژانسی هەواڵی مێهر، سه‌رچاوه‌که‌ باسی له‌وه‌شکرد: "ئۆتۆمبێله‌که‌ هی چەکدارانی پارتی کرێکارانی کوردستان بوو، دوای ئه‌وه‌ی له‌ دهۆکه‌وه‌ به‌ره‌و  گوندی ره‌شانکێی سه‌ر به‌ ناحیه‌ی زاوێته‌ هاتووه‌ له‌ نزیک گونده‌که‌ کراوه‌ته‌ ئامانج".

ئه‌وه‌شی وت: له‌کاتی بۆردومانه‌که‌دا سێ که‌س کوژراون و که‌سێکیش که‌ به‌سه‌ختی برینداربووه‌ راسته‌وخۆ شوێنی رووداوه‌که‌ی جێهێشتووه‌.

دواینیوڕۆی رۆژی 11ی ئه‌م مانگه‌ لەناوچەی باڵەکایەتی لە سنووری قەزای سۆران فڕۆکە بێ فرۆکەوانەکانی تورکیا ئۆتۆمبێلێکی پاسەوانی سنوری عێراقی کردە ئامانج بەهۆیەوە دوو ئەفسەر کوژران و ئەفسەرێکی دیکەش برینداربوو.

News Code 33677

نیشانەکان

بۆچوونی ئێوە

You are replying to: .
  • 6 + 1 =