گردبوونەوەی ناڕەزایەتی لە هەرێمی کوردستان دەستیپێکرد

لە دژی بڕیاری قەدەغەی هاتوچۆ و داخستنی دوکانەکانیان و شوێنی کارەکانیان بەشێک لە هاووڵاتیان و کاسبکار و دووکاندارانی دەربەندیخان و رانییە گردبوونەوە.

بە ڕاپۆرتی ئاژانسی هەواڵی مێهر لە شارپرێس، ئەمشەو ژمارەیەکی زۆر لە هاووڵاتیان و کاسبکار و دووکاندارانی قەزای دەربەندیخان لەبەردەم قایمقامییەتی شارەکە گردبوونەوە و ناڕەزایەتی خۆیان لەدژی  رێکارەکانی وەزارەتی ناوخۆو پارێزگای سلێمانی و یەکەی ئیدارەی شارەکە بۆ راگەیاندنی قەدەغەکردنی هاتووچۆ راگەیاند.

هەر ئەمشەو لە شاری رانییە ژمارەیەک لە هاووڵاتیان و کاسبکاران گردبوونەوەو نیگەرانی خۆیان لە راگەیاندنی قەدەغەی هاتووچۆ راگەیاند.

هاووڵاتیان و کاسبکاران رایدەگەیەنن کە دۆخی دارایییان خراپەو ناتوانن لە ماڵەکانیان بمێننەوەو دەڵێن:" حکومەت کە مووچە نادات و هیچ هاوکارییەکی خەڵک ناکات ئەوا نابێت رێگەش لە کارو کاسبی هاووڵاتیان بگرێت".

هەروەها ئەو هاوڵاتیانە باس لەوەش دەکەن بەشێکیان نەخۆشییان هەیە لە ماڵەوەو پێویستیان بە دەرمان و چارەسەرە کە بەبێ پارە ناتوانن چارەسەر بکرێن و بەشێکیشیان دەڵێن، کرێچین و کرێی مانگەیان دەست ناکەوێت، بۆیە داوا لە حکومەت دەکەن بڕیاری قەدەغەی هاتووچۆ هەڵوەشێنێتەوە.

شەوی رابردوو، وەزارەتی ناوخۆ بڕیاری قەدەغەکردنی هاتووچۆی ئۆتۆمبێل و پیادەی لەسەرجەم پارێزگاو یەکە ئیداری و شارو شارۆچکەکان بۆ ماوەی شەش رۆژ راگەیاند.

News Code 32647

نیشانەکان

بۆچوونی ئێوە

You are replying to: .
  • 9 + 0 =