دیداری نوێنەری تایبەتی ئەمریکا لە پرسی سووریا و فەرماندەی هەسەدە

نوێنەری تایبەتی ترامپ لە کاروباری سووریا پاش سەردانی ئەنقەرە و هەولێر، گەیشتە کوردستانی سووریا و لە گەڵ فەرماندەی گشتیی هێزەکانی سووریای دیموکراتیک دیداری کرد.

بە ڕاپۆرتی ئاژانسی هەواڵی مێهر بە گێڕانەوە لە رۆژنامەی دیوار، جەیمز جێفری نوێنەری تایبەتی دۆناڵد ترامپی سەرۆک کۆماری ئەمریکا لە کاروباری سووریا پاش سەردانی ئەنقەرە و هەولێر و ئەنجامدانی کۆمەڵێک دیدار لە گەڵ بەرپرسانی تورکیا و دەوڵەتی هەرێمی کوردستان، گەیشتە کوردستانی سووریا و لە گەڵ مەزلووم کۆبانی فەرماندەی گشتیی هێزەکانی سووریای دیموکراتیک دیداری کرد.

بە گوێرەی هەواڵەکان لە سەرچاوەگەلی خۆجێی، لەو دیدارە لایەنەکان سەبارەت بە وردەکاریی بەرەنگاربوونەوەی گرووپی تیرۆریستی داعش گفتوگۆیان کردووە و سەبارەت بە گۆڕانکارییەکانی ئەم دواییەی سووریا ڕایان گۆڕییەوە.

جەیمز جەفری پاش سەفەری رۆژی چوارشەممەی بۆ ئەنقەرە و دیدار لە گەڵ بەرپرسانی تورک لە پەیوەندی لە گەڵ پرسی ئێدلەب، چووە هەولێر و لە گەڵ نێچیرڤان بارزانی سەرۆکی هەرێمی کوردستان دیداری کرد.

News Code 31104

نیشانەکان

بۆچوونی ئێوە

You are replying to: .
  • 9 + 8 =