قوتابخانەی حاج قاسم واتە چوونە بەرەکانی ئۆپەراسیۆنی

ئەمینداری گشتیی حزبوڵڵای لوبنان لەبارەی ڕەهەندە جۆراوجۆرەکانی کەسایەتی سپەهبۆد شەهید قاسم سولەیمانی و وتی: قوتابخانەی حاج قاسم واتە چوونە بەرەکانی ئۆپەراسیۆنی.

بە ڕاپۆرتی ئاژانسی هەواڵی مێهر بە گێرانەوە لە "العالم"، سەید حەسەن نەسروڵڵا ئەمینداری گشتیی حزبوڵڵای لوبنان لەو لێدوانەدا سەبارەت بە کەسایەتیی شەهید حاج قاسم سولەیمانی وتی: حاج قاسم تەنیا کەسایەتییەکی سەربازی نەبوو، بەڵکوو هاوکات بە باشی لە پرسە ئەمنییەکان دەگەیشت و بە وردی ئاگاداری پرسە سیاسی، ئابووری و فەرهەنگییەکانیش بوو و ئەمە تەنیا تایبەتی پرسەکانی لوبنان نەبوو، بەڵکوو بە هۆی پەیوەندی و پەیجوورییەکانی تەواو بە سەر پرسەکانی ناوچەدا زاڵ بوو.

حەرسەن نەسروڵڵا قوتابخانەی حاج قاسمی لە درێژەی قوتابخانەی و هزروبیری ئیمام خومەینی (رە) زانی و جەختی کرد: قوتابخانەی حاج قاسم واتە چوونە بەرەکانی ئۆپەراسیۆنی و لە گەڵ هەڵبژاردرانی لە لایەن ئایەتوڵڵا خامنەییەوە بۆ فەرماندەیی هێزی قودسی سوپای پاسداران بەردەوام لە ناوچەدا حوزوری بوو و هەوڵی دەدا کەمایەسی و پێداویستییەکانی بەرەی بەرخۆدان دابین بکات و هەر ئەوەش بووە هۆی ئەوەی لە دوای ساڵەکانی ٢٠٠٠ ئۆپەراسیۆنەکان چ لەباری کوالیتی و چ لەباری چەندایەتییەوە پێشکەوتنێکی بەرچاوی بە خۆوە بینی.

ئەمینداری گشتیی حزبوڵڵا لە بەشێکی دیکەی ئەو وتووێژە بە ئاماژە بە دوادیداری خۆی لە گەڵ سەردار (سێ رۆژ بەر لە شەهیدکرانی) ڕایگەیاند: لەو دیدارە لە ناکاوە پێم وت کە میدیاکانی ئەمریکا زۆر تەرکیزیان خستۆتە سەر ئێوە و گۆڤارێکی ئەمریکیم نیشان دا کە لە ڕووبەرگەکەیدا نووسراوبوو "سەرداری بێ جێگرەوە" و وتیشم ئەوە نیشاندەری هەوڵ و هەنگاوەکان بۆ تیرۆریەتی و دەبێ هوشیاری خۆی بێت و ئەو پێکەنی و لە وەڵامدا وتی شەهید بوون ئارەزوومە.

ناوبراو سەبارەت بە بەری کرانی تەرمی شەهید سولەیمانی و کرانە ئامانجی مووشەکیی بنکەی عەین ئەسەد، ڕاشیگەیاند: ئەو ڕووداوە خاڵێکی وەرچەرخان بوو لە مێژووی ناوچەدا و وەک ئایەتوڵڵا خامنەیی فەرموویان رۆژانی شەهید و بەرێ کرانی تەرمی سەردار رۆژانی "یەوموڵڵا" بوون. ئەو ڕووداوە هاوکات بووە هۆی گۆڕانی ڕیزبەندییەکان، چونکە ترامپ ڕاستەوخۆی بەرپرسایەتییەکەی لە ئەستۆ گرت و دانی بەوەدا نا کە ئەو فەرمانی تیرۆری دەرکردووە و بەو پێیە ڕووبەڕووبوونەوەکان تەنیا بە قەوارەی سەربازی نابەسترێنەوە و لە قەوارەی سیاسی، میدیایی، ئابووری، فەرهەنگی، ئەمنی و ... دەردەکەون و ئۆمەت دوژمنی ڕاستەقینەی خۆیان بناسن.

زیادیشی کرد: ئەمریکا و ڕژیمی زایۆنی لایان وابوو بە تیرۆری سەردار سولەیمانی و ئەبوومەهدی موهەندیس ئێران و بەرەی بەرخۆدان لە هەڵوێستەکانیان دەکشێنەوە، بەڵام کاتێک بڕیاری کرانە ئامانجی بنکەی ئەمریکی عەین ئەسەد لە عێراق درا و ئەو ڕێژە مووشەکییە بەرەوڕوو ئەو بنکەیە تەقێندراوە، بۆیان دەرکەوت کە ئەو هەڵمەتەیان بۆتە هۆی بەرزبوونەوەی وزرەی بەرخۆدان و بەرخۆدان بە گڕووتین‌تر لە بەرەکانی یەمەن، سووریا و تەنانەت بۆ تێکشکاندنی مامەڵەی سەدە بەرەوڕوویان دەبنەوە.

News Code 30999

نیشانەکان

بۆچوونی ئێوە

You are replying to: .
  • 6 + 5 =