شۆڕشی ئیسلامی پشت‌ئەستوور بە هەڵبژاردن بووە/ خەڵک سەربەخۆییان هەڵبژارد

سەرۆک کۆماری ئێران بە ئاماژە بە پشت‌ئەستوور بوونی شۆڕشی ئیسلامی بە هەڵبژاردن، وتی: خەڵکی ٤١ ساڵ لەوە پێش لە نێوان دارەدەستی و سەربەخۆیی، سەربەخۆییان هەڵبژارد.

بە ڕاپۆرتی ئاژانسی هەواڵی مێهر، حەسەن ڕۆحانی ئەوڕۆ (سێ شەممە) لە ڕێوڕەسمی ڕێپێوانی ٢٢ی رێبەندان لە مەیدانی ئازادی تاران، ڕایگەیاند: لە ڕاستیدا شۆڕشی ئیسلامی ئێران پشت‌ئەستوور بووە بە هەڵبژاردن؛ خەڵکی لە نێوان ڕژیمێکی گەندەڵی سەر بە ئەمریکا و نیزامێکی خەڵک‌سالار و دیموکراتی دینی، لە نێوان گەندەڵێکی وەک شا و پیاوێکی بە ئیمان و زانست و سیاسەتی وەک ئیمام خومەینی (رە)، ئیمام‌یان هەڵبژارد.

ڕاشیگەیاند: خەڵکی ئێمە دیموکراسیان هەڵبژارد؛ خەڵکی ئێمە لە نێوان دارەدەست‌بوونی زلهێزەکان و سەربەخۆیی، سەربەخۆیان هەڵبژارد. بە باوەڕی من ئو هەڵبژاردنانە ئەوڕۆش لە بەردەممانە و دڵنیام وەڵامی خەڵکی ئێمە هەمان وەڵامی ٤١ ساڵ لەوە پێش دەبێت.

سەرۆک کۆمار هەروەها جەختی کرد: ئەگەر ڕژیمی گەندەڵی پێشوو مۆڵەتی هەڵبژاردنی بە خەڵکی دابا، پێویستی بە شۆڕش و ڕاپەڕین نەبوو. ئەگەر ڕژیمی پێشوو خەڵکی ئازاد دەهێشت بۆ هەڵبژاردنی حکوومەت و یاسای بنەڕەتیان؛ رێگەی دەدا خەڵکی لە نێوان سەربەخۆیی و دارەدەستی، سەربەخۆیی هەڵبژێرن و ملی لە هەڵبژاردنی ساڵمی ئازادی نەتەوەیی نابا، شۆڕش نەدەکرا.

ڕۆحانی لە درێژەدا هەڵبژاردن و ئازادی هەڵبژاردن لە ئێرانی بە هۆکاری سەرەکی دوژمنایەتی ئەمریکا و ڕژیمی زایۆنی لە گەڵ کۆماری ئیسلامی ئێران زانی و وتیشی: بێ گومان ئەوان ٤١ ساڵە خەونی گەڕانەوە و داگیرکاریی ئێران دەبینن. بەڵام دەشزانن کە دەسەڵاتی ئێران لە ناوچەدا یەکێکە لە باڵاترین دەسەڵاتەکان، بە واتایەکی دیکە باڵاترین دەسەڵاتی رۆژهەڵاتی ناڤین.

News Code 30959

نیشانەکان

بۆچوونی ئێوە

You are replying to: .
  • 3 + 6 =