سنە یادی گیان بەختکردوانی داکەوتنی فڕۆکەی ئۆکراینی کردەوە

ژمارەیەک لە خەڵکی شاری سنە دوێنێ بە داگیرساندنی مۆم و خوێندنی فاتیحە ، یادی گیان بەختکردووەکانی ڕووداوی داکەوتنی فڕۆکەی ئۆکراینیان کردەوە.

بە ڕاپۆرتی ئاژانسی هەواڵی مێهر، شەوی ڕابردوو ژمارەیەک لە خەڵکی شاری سنە وەک بەرز ڕاگرتنی یادی گیان بەخت کردووەکانی ڕووداوی داکەوتنی فڕۆکەی ئۆکراینی لە ئاسمانی تاران و هەروەها هاوخەمی لە گەڵ بنەماڵەی موسافیرە کوردەکانی ناو ئەو فڕۆکە، لە مەیدانی حیجاب (گۆزەبەشانی ئاویەری سنە) مۆمیان داگیرساند و چەپکە گوڵیان دانا.

شیاوی ئاماژەیە لەو فڕۆکەیەدا دکتۆر ڕزگار ڕەحیمی و هاوسەرەکەی و منداڵەکانی هەروەها دکتۆر ئاروین مورەتەب و هاوسەرەکەی  کە بلیمەت و هەڵکەوتووی زانستی کورد بوون گیانیان لەدەستدا.

 ژن و منداڵی بلیمەتێکی کرماشانی و ۵ کەس لە خەڵکی ساری مەهابادیش هەر لەم رووداوەدا گیانیان لەدەستدا.

News Code 30475

نیشانەکان

بۆچوونی ئێوە

You are replying to: .
  • 1 + 12 =