هالیڤوودییەکانیش جەنایەتی ترامپ‌یان ئیدانە کرد

تاقمێک لە کەسایەتیگەلی هالیڤوودی لە ناڕەزایەتی بە فەرمانی ترامپ بۆ تیرۆر و شەهید کردنی فەرماندەی سوپای قودسی ئێران، تویتی جۆراوجۆریان لە دژی ترامپ بڵاو کردەوە.

بە ڕاپۆرتی ئاژانسی هەواڵی مێهر، پاش شەهید کرانی سەردار حاج قاسم سولەیمانی لە لایەن ئەمریکاوە، شایەدی شەپۆلێک لە کاردانەوەکان لە لایەن کەسایەتیگەلی ناسراوەی ئەمریکی بووین.

ڕاب ڕاینێر دەرهێنەری ئەمریکی نووسی: هەستێکی تۆقێنەرە کاتێک دەبینی فەرماندەی گشتیی وڵاتەکەت تەنیا درۆ دەکا و هەوڵ دەدا کردنە ئامانجی دڵی سوپای ئێران پاساو بدات.

ئالێک باڵدوینی ئەکتەری سینەماش لە هەژماری تویتەریی خۆی بە ئاماژە بە هەلومەرجی ئاڵۆزی ترامپ لە کەشی سیاسی ناوخۆیی ئەمریکا نووسی: دەسپێکی شەڕێک بۆ کاریگەری دانان لە سەر لێپرسینەوەیەک؟

پاتریشیا ئارکێت ئەکتەری براوەی ئۆسکاریش نووسی: ئاسایشی نیشتمانیمان مەترسییەکی جیدی لە سەرە و دەبێ ترامپ وەدەرنێین. تەواو کۆماریخوازانی پاڵپشتی بە دەنگی خۆتان لە پۆستەکانیان بکشێننەوە.

جان لگیزامۆ ئەکتەر و ستەندئاپ کۆمێدیی ناسراوەی ئەمریکی لە تویتەەرەکەیدا ڕایگەیاند: ترامپ بووکەلەی شانۆیە و بە کارە ویستی هەموو لێپرسینەوەکەی فەرامۆش بکەن.

ڕۆزانا ئارکێت، ئەکتەر و ئامادەکاری سینەما لە هەژماری خۆیدا نووسی: ترامپ جەنایەتکاری جەنگییە و بەو کارەی مرۆڤگەلێکی زۆر بە کوشت دەدا. دەیەوێ بە تێوەگلاندنی ئێمە لە شەڕدا لێپرسینەوەکەی ڕاگرێت. ئەوڕۆ دەستی هەموو کۆماریخوازان لە خوێندایە.

دێبۆرا مسینگ ئەکتەری زنجیرە درامای "ڤیل و گریس"یش ئاماژەی بەوە داوە کە ترامپ هەڕەشەیە بۆ سەر ئاسایشی نیشتمانی ئەمریکا.

ڕاب دێلنی کۆمیدینەنی ئەمریکی لەبارەی ئەگەری هەڵگیرسانی شەڕ ڕایگەیاند: زیاتر لە ٨٠ ملیۆن کەس لە ئێران دەژین و ئێرانییەکان باش دەناسم و پێم خۆش نییە گەنجێکی ٢٠ ساڵەی ئەمریکی نچێتە ئەوێ و منداڵ و هاووڵاتیانی ئێران بکوژێ و پاشان خۆیشی بە کوشت بدات. شەڕ ئەهریمەن‌ترینی کردارەکانە.

برادلی ڤیتفۆرد ئەکتەری ئەمریکی نووسی: ترامپ کەسێکی خۆپەرەستە و تووشی گرفت هاتووە و هەر بۆیە دەیەوێ شەڕ هەڵگیرسێنێ.

News Code 30247

نیشانەکان

بۆچوونی ئێوە

You are replying to: .
  • 5 + 5 =