کورد دەسەڵاتی بە دەستەوە نەمێنێت، داعش لە باکووری سووریا دەبووژێتەوە

بە ڕاپۆرتی ئاژانسی هەواڵی میهر، پەروین بوڵدان هاوسەرۆکی پارتی دیمۆکراتی گەلان هەدەپە لە لێدوانێکدا لە پەرلەمانی تورکیا وتی: پرسیارێکم لێتان هەیە: ئەگەر کورد شکست بهێنێت تورکیا سەردەکەوێت؟ کاتێک کە کوردەکان لە ماڵی خۆیان و نیشتمانی خۆیان دەربکرێن پرسی ئیدرنە، ئارداهان، ترابزۆن چارەسەر دەبێت؟ بە شکست دانی کوردەکان لە سووریا نرخی بێکاری و گەندەڵی لە تورکیا دادەبەزێت؟هەر سیاسەتێک کە بۆ شکستی کوردەکان دەگیردرێتە بەر لە ڕاستیدا یەخەی تورکیاش دەگرێتەوە.

وتیشی: نەتەوەی تورکیا ئەبێ بزانن ئەگەر کورد شکست بهێنێت لە باکووری سووریا داعش جارێکی دیکە دەبووژێتەوە. بەداخەوە بە هۆی چارەسەر نەکردنی پرسی کوردەکان و کۆتایی نەهێنان بە دوژمنایەتی لە گەڵ کورد، هەم کورد و هەم تورکیش شکست دەخوات.

بوڵدان زیادی کرد: هەر دەسەڵاتێکی سیاسی کە لە گەڵ پرسی کورد بە شێوەی ئەمنیەتی بەرەوڕوو بووە، شکستی هێناوە و لەناوچووە. پارتی داد و گەشەش لە کۆتاییدا دەچێتە ڕیزی شکست خواردووەکانەوە. ئێوە پرسی کوردتان چارەسەر نەکرد بەڵام کوردەکان ئێوە چارەسەر دەکەن.