"شەمی سارد" بووە باشترین فیلمی مێهرەجانی قورئان لە ئێران

کورتە فیلمی "شەمی سارد" لە نووسین و دەرهێنانی نەوید زارع خەڵاتی باشترین فیلمی پازدەهەمین خولی مێهرەجانی خوێندکاری "قورئان و عەترەت"ی مسۆگەر کرد.

بە ڕاپۆرتی ئاژانسی هەواڵی مێهر، بەرپرسی یەکەی هونەرگەلی بیناری حەوزەی هونەری کوردستان وێرای ڕاگەیاندنی ئەو هەواڵە، وتی: نەوید زارع لە دەرهێنەرانی گەنجی کوردستانی توانی لە  پازدەهەمین خولی مێهرەجانی خوێندکاری "قورئان و عەترەت" کە لە لایەن زانکۆی عێلمی و کاربوردی شاری قوم بەڕێوە دەچێت، خەڵاتی باشترین کورتە فیلم بۆ فیلمی "شەمی سارد" مسۆگەر بکات.

زانیار لوتفی هەوڵی میرمنداڵێکی ١٠ ساڵە بۆ دابین کردنی پارە لە پێناو گرفتی ماڵی بنەماڵەکەی و بەشداریی لە کێبەرکێیەک لە ڕووی ناچاریی وەک ناوەڕۆکی کورتە فیلمی "شەمی سارد" ڕاگەیاند، وتیشی: لەم فیلمە ١٧ خولەکییە کە لە لایەن حەوزەی هونەری کوردستان بەرهەم هاتووە، ئارتین ئەحمەدی و ملووک حسێن ئابادی ڕۆڵی سەرەکی دەگێڕن و محەمەد تووریۆریان ئەرکی دەنگ هەڵگری و زانیار لوتفی کاری فیلم‌هەڵگریان لە ئەستۆ بووە.

News Code 29216

نیشانەکان

بۆچوونی ئێوە

You are replying to: .
  • 1 + 13 =